حکومت نے آئندہ مالی سال 26-2025سرکاری شعبہ کے سالانہ ترقیاتی پروگرام کے تحت وزارت منصوبہ بندی ترقی اصلاحات و خصوصی اقدامات کیلئے 23ہزار 270 ملین روپے مختص

منگل 10 جون 2025 21:40

اسلام آباد (اُردو پوائنٹ اخبارتازہ ترین - اے پی پی۔ 10 جون2025ء) حکومت نے آئندہ مالی سال 26-2025سرکاری شعبہ کے سالانہ ترقیاتی پروگرام کے تحت وزارت منصوبہ بندی ترقی اصلاحات و خصوصی اقدامات کیلئے 23ہزار 270 ملین روپے مختص کئے گئے ہیں ۔

(جاری ہے)

منگل کو جاری ہونے والے پی ایس ڈی پی کے اعدادوشمار کے مطابق حکومت نے آئندہ مالی سال کے ترقیاتی پروگراموں میں جاری ترقیاتی سکیموں میں پالیسی ریسرچ سنٹر کیلئے 200ملین روپے ، ڈویلپمنٹ کمیونیکشن کیلئے 200 ملین روپے ،نیشنل اکنامک ٹرانسفارمشن کیلئے 150 ملین روپے ، پلان ہائوس کی تعمیر کیلئے 500ملین روپے جبکہ سپیشل انیشیٹو ز پروگرام کے تحت نیشنل سنٹر فار برانڈ ڈویلپمنٹ کیلئے 100 ملین ، سی پیک سنٹر فار ایکسیلینس کیلئے 375 ملین روپے ، 2022 سیلاب کے بعد بلوچستان میں بحالی پروگرام کیلئے 18000ملین روپے ، کم ترقی یافتہ 20 اضلاع کیلئے ایک ہزار ملین اور پرائم منسٹر سپوٹ گرانٹ پروگرام کیلئے 500ملین روپے سمیت مختلف ترقیاتی منصوبوں کیلئے فنڈز مختص کئے گئےہیں۔