ورلڈ ٹیسٹ چیمپئن شپ فائنل کے لیے آسٹریلیا کی پلیئنگ الیون کا اعلان

فاتح ٹیم کو ٹیسٹ میس کے ساتھ 3.6 ملین ڈالر (لگ بھگ ایک ارب پاکستانی روپے سے زائد) انعامی رقم ملے گی

بدھ 11 جون 2025 12:10

لارڈز(اُردو پوائنٹ اخبارتازہ ترین - این این آئی۔ 11 جون2025ء)ورلڈ ٹیسٹ چیمپئن شپ فائنل کے لیے آسٹریلیا نے پلیئنگ الیون کا اعلان کردیا۔آئی سی سی ٹیسٹ چیمپئن شپ سائیکل 25-2023 کا فائنل دفاعی چیمپئن آسٹریلیا اور پہلی بار فائنل کھیلنے والی جنوبی افریقا کی ٹیموں کے درمیان لارڈز میں شروع ہو رہا ہے۔

(جاری ہے)

ڈبلیو ٹی سی کا تاج سجانے والی ٹیم مالا مال ہوگی اور فاتح ٹیم کو ٹیسٹ میس کے ساتھ 3.6 ملین ڈالر (لگ بھگ ایک ارب پاکستانی روپے سے زائد) انعامی رقم ملے گی، جو گزشتہ دونوں ایڈیشنز 2021 اور 2023 سے کئی گنا زیادہ ہے۔

رنر اپ ٹیم بھی خالی ہاتھ نہیں جائے گی اور اس کو 2.16 ملین ڈالر (تقریباً 60 کروڑ پاکستانی روپے سے زائد) کی رقم ملے گی۔تاہم اب آسٹریلیا نے ورلڈ ٹیسٹ چیمپئن شپ فائنل کے لیے پلیئنگ الیون کا اعلان کردیا ہے۔ٹیسٹ چیمپئن شپ فائنل میں آسٹریلوی ٹیم کی قیادت پیٹ کمنز کریں گے، دیگر کھلاڑیوں میں عثمان خواجہ، مارنوس لبوشین، کیمرون گرین، اسٹیو اسمتھ، ٹریوس ہیڈ، بیو ویبسٹر، الیکس کیری، مچل اسٹارک، نیتھن لیون اور جوش ہیزل ووڈ شامل ہیں۔