ورلڈ ٹیسٹ چیمپئن شپ فائنل کے لیے جنوبی افریقا کی پلیئنگ الیون کا اعلان

فائنل دفاعی چیمپئن آسٹریلیا اور پہلی بار فائنل کھیلنے والی جنوبی افریقا کی ٹیموں کے درمیان لارڈز میں شروع ہو رہا

بدھ 11 جون 2025 14:26

لندن (اُردو پوائنٹ اخبارتازہ ترین - این این آئی۔ 11 جون2025ء)ورلڈ ٹیسٹ چیمپئن شپ فائنل کے لیے جنوبی افریقا نے پلیئنگ الیون کا اعلان کردیا۔آئی سی سی ٹیسٹ چیمپئن شپ سائیکل 25-2023 کا فائنل دفاعی چیمپئن آسٹریلیا اور پہلی بار فائنل کھیلنے والی جنوبی افریقا کی ٹیموں کے درمیان لارڈز میں شروع ہو رہا ہے۔

(جاری ہے)

ڈبلیو ٹی سی کا تاج سجانے والی ٹیم مالا مال ہوگی اور فاتح ٹیم کو ٹیسٹ میس کے ساتھ 3.6 ملین ڈالر (لگ بھگ ایک ارب پاکستانی روپے سے زائد) انعامی رقم ملے گی، جو گزشتہ دونوں ایڈیشنز 2021 اور 2023 سے کئی گنا زیادہ ہے۔

رنر اپ ٹیم بھی خالی ہاتھ نہیں جائے گی اور اس کو 2.16 ملین ڈالر (تقریباً 60 کروڑ پاکستانی روپے سے زائد) کی رقم ملے گی۔تاہم جنوبی افریقا نے فائنل کے لیے پلیئنگ الیون کا اعلان کردیا ہے۔ٹمبا باووما جنوبی افریقا کی ٹیم کی قیادت کریں گے، دیگر کھلاڑیوں میں ایڈن مارکرام، ریان ریکلٹن، ویان ملڈر، ٹرسٹن اسٹبس، ڈیوڈ بیڈنگھم، کائل ویرینے، مارکو جینسن، کیشو مہاراج، کاگیسکو ربادا اور لنگی نگیدی شامل ہیں۔