یو ای ٹی لاہور میں غیر ملکی طلباء و طالبات کے اعزاز میں عید ملن پارٹی کا اہتمام

جمعرات 12 جون 2025 17:46

لاہور (اُردو پوائنٹ اخبارتازہ ترین - آن لائن۔ 12 جون2025ء) یونیورسٹی آف انجینئرنگ اینڈ ٹیکنالوجی لاہور میں غیر ملکی طلباء و طالبات کے اعزاز میں یونیورسٹی انتظامیہ کی جانب سے عید ملن پارٹی کا اہتمام کیا گیا۔

(جاری ہے)

جس میں وائس چانسلر یو ای ٹی لاہور پروفیسر ڈاکٹر شاہد منیر نے خصوصی شرکت کی جبکہ تمام فیکلٹیز کے ڈین، ریزیڈنٹ ٹیوٹرز، رجسٹرار، کنٹرول امتحانات، ٹریژرر، سینئر وارڈن، ڈائریکٹر سٹوڈنٹ افیئرز، پی آر او اور غیر ملکی طلباء و طالبات شریک ہوئے۔

وائس چانسلر پروفیسر ڈاکٹر شاہد منیر نے اپنے خطاب میں کہا کہ غیر ملکی طلباء ہمارے تعلیمی ادارے کا قابلِ فخر حصہ ہیں یونیورسٹی میں ان طلباء کو گھر جیسا ماحول فراہم کرنا ہماری اولین ترجیح ہے۔ پروفیسر ڈاکٹر شاہد منیر نے طلباء پر زور دیا کہ وہ تعلیم پر بھرپور توجہ دے کر اپنے ملک اور یو ای ٹی کا نام روشن کریں۔ طلباء نے وائس چانسلر،فیکلٹی ممبران اور یونیورسٹی انتظامیہ کا شکریہ ادا کیا۔