بہاول پور، جرائم پیشہ افراد کے خلاف کارروائیاں جاری

دو روز کی مختلف کارروائیوں میں19ملزمان گرفتار۔ بھاری مقدار میں شراب،منشیات و اسلحہ ناجائز برآمد

جمعرات 12 جون 2025 22:51

بہاول پور(اُردو پوائنٹ اخبارتازہ ترین - آن لائن۔ 12 جون2025ء)ڈسٹرکٹ پولیس آفیسرمحمد حسن اقبال کی زیر کمانڈ جرائم پیشہ افراد کے خلاف کارروائیاں جاری، گزشتہ دو روز کی مختلف کارروائیوں میں19ملزمان گرفتار۔ بھاری مقدار میں شراب،منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، تفصیلات کے مطابق ڈی پی اومحمد حسن اقبال کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔

تھانہ کینٹ ، سول لائینز، صدر بہاولپور،سٹی احمد پورشرقیہ ، چنی گوٹھ،پولیس نے شراب فروشوںکے خلاف بھرپور کارروائیاں عمل میں لاتے ہوئے 11ملزمان کوگرفتار کرکے ان کے قبضہ سے 363لیٹر شراب معہ 01عدد چالوبھٹی برآمد کرلی۔

(جاری ہے)

اسی طرح منشیات فروشوں کے خلاف گھیرا تنگ کرتے ہوئے تھانہ سول لائینز ، صدر یزمان ، ہیڈ راجکاں اور تھانہ سٹی حاصل پور پولیس نے 03ملزمان کو گرفتارکرکے ان کے قبضہ سے 03کلو 700گرام چرس اور 10گرام کرسٹل آئس برآمد کرلی۔

جبکہ اسلحہ ناجائز کے خلاف کارروائی عمل میں لاتے ہوئے تھانہ مسافر خانہ ، ڈیرہ نواب اور تھانہ ہیڈ راجکاں پولیس نے 04ملزمان کو گرفتارکرکے ان کے قبضہ سے 01عدد رائفل 44بور اور 03عدد پسٹل 30بوربرآمد کرلئے۔پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او محمد حسن اقبال نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔