پتوکی عید الضحی کے موقع پر پتوکی شہر بھر میں پلاسٹک بیگز کی تقسیم نہ ہونے کے باعث جگہ جگہ آلائشیں پڑی ہیں

پتوکی میں عید الضحی کی چاند رات کو انتظامیہ نے چند لوگوں کو پلاسٹک بیگ دیکر فوٹو سیشن کیا مگر پلاسٹک بیگز تقسیم نہ کئے

جمعہ 13 جون 2025 11:24

پتوکی(اُردو پوائنٹ اخبارتازہ ترین - این این آئی۔ 13 جون2025ء) پتوکی عید الضحی کے موقع پر پتوکی شہر بھر میں پلاسٹک بیگز کی تقسیم نہ ہونے جگہ جگہ کھلے عام پڑی آلائشیں اے سی پتوکی سمیت دیگر افسران کی نااہلی اور ناقص کارکردگی کا منہ بولتا ثبوت وزیر اعلی پنجاب مریم نواز شریف نوٹس لیکر تحقیقات کروائیں اور ذمہ داروں کوسزا دیں۔

(جاری ہے)

وزیر اعلی پنجاب مریم نواز شریف کی جانب سے عید الضحی کے موقع پر احسن اقدام اٹھایا گیا کہ آلائشوں کو ٹھکانے لگانے کیلئے پلاسٹک بیگ کی تقسیم کی جائے مگر پتوکی میں عید الضحی کی چاند رات کو انتظامیہ نے چند لوگوں کو پلاسٹک بیگ دیکر فوٹو سیشن کیا مگر شہر بھر میں کہیں بھی پلاسٹک بیگز کی تقسیم نہ ہوئی اور جگہ جگہ بنائے گئے پوائنٹ خالی نظر آئے لالہ پاک کالونی ،پتوکی کہنہ روڈ، شاد مان کالونی، میگہ روڈ، پرانی منڈی ، ہلہ روڈ، اور گردونواح میں بھی پلاسٹ بیگز تقسیم نہ ہونے سے شہریوں نے کھلے عام آلائشیں سڑکوں، گلی محلوں میں پھینکی جبکہ انتظامیہ بھی کھلے عام پڑی آلائشیں اٹھاتی رہی مگر کئی مقامات پر آلائشیں پڑی رہی اور انتظامیہ کوآلائشوں کی بطو ر ثبوت فوٹو ویڈیو بھی بھیجیں گئیں مگر کسی نے نہ اٹھائیں دوسرے دن آلائشیں وہیں نظر آئیں شہری نوید بھٹی نے 1139ہیلپ لائن پر کال کی تو انتظامیہ نے آلائشیں اٹھائیں ڈی سی قصور نے بھی پتوکی شہر کا دورہ کیا مگر انتظامیہ نے فوٹو سیشن کرواکر سب اچھا کی رپورٹ کروادی شہریوں نوید بھٹی ،اکمل علی کمبوہ سمیت دیگر نے وزیر اعلی پنجاب مریم نواز شریف سے مطالبہ کیا ہے کہ پتوکی شہر میں عید کے دنوں پلاسٹک بیگز کی تقسیم نہ کرنے اور ناقص کارکردگی کا مظاہرہ کرنے والے اے سی پتوکی سعد بن خالد ،لاہور ویسٹ مینجمنٹ کمپنی لاہور مینجر پتوکی ،مانیٹرینگ سیل ایل ڈبلیو ایم سی پتوکی انچارج اور انکے عملے کیخلاف سخت کاروائی کی جائے اور انکے اثاثہ جات کی انکوائری کی جائے اور انکو سخت سزا دی جائے ۔