سپریم کورٹ لائسنس کے حصول کیلئے پہلا مرحلہ، وکلاء سے انٹرویوز

چیف جسٹس لاہور ہائیکورٹ کی سربراہی میں تین رکنی انرولمنٹ کمیٹی نے وکلاء سے انٹرویوز لئے

جمعہ 13 جون 2025 14:10

لاہور (اُردو پوائنٹ اخبارتازہ ترین - این این آئی۔ 13 جون2025ء) سپریم کورٹ لائسنس کے حصول کے لئیپہلا مرحلہ،356وکلاء فٹنس سرٹیفکیٹ کیلئے انٹرویوز کے بلاوے پر خوش، چیف جسٹس لاہور ہائیکورٹ کی سربراہی میں تین رکنی انرولمنٹ کمیٹی نے وکلاء سے انٹرویوز لئے۔

(جاری ہے)

سپریم کورٹ کے لائسنس کے حصول کیلئے فٹنس سرٹیفکیٹ کیلئے اہم اجلاس ہوا ،چیف جسٹس ہائیکورٹ جسٹس مس عالیہ نیلم کی سربراہی میں انرولمنٹ کمیٹی میں جسٹس عابد عزیز شیخ اور جسٹس صداقت علی خان شامل ہیں ،کمیٹی امیدواروں کو سپریم کورٹ کے لائسنس کیلئے فٹنس سرٹیفکیٹ جاری کرنے کا فیصلہ کرے گی ، کمیٹی نے نیو ججز لائبریری میں وکلا کے انٹرویوز لئے ، انٹرویوز دینے والوں میں اسسٹنٹ ایڈووکیٹ جنرل شاہد نواب چیمہ ،محمد فرخ خان لودھی ، حسن اعجاز چیمہ، رانا عمیر خان ، راناشیر زمان اکرم ، ڈپٹی پراسکیوٹرجنرل سید منتظر مہدی بخاری ،اسد تحریم بیگ، ہارون الرشید ،،شیخ نعمان احمد،شبیر احمد، رانا عمران انجم شامل ہیں ، ڈپٹی پراسیکیوٹرجنرل نوشین ملک ،ثمرہ ارشاد ،سابق وائس چیئرمین پنجاب بارکونسل کامران بشیر مغل ،ممبر ماحولیاتی کمیشن سید کمال حیدر ، ایڈووکیٹ شاہد نذیر جاڑا ، اسسٹنٹ اٹارنی جنرل احمد رضا چٹھہ ، زین قاضی ، ایڈووکیٹ ذیشان سلہریا، سابق اسسٹنٹ اٹارنی جنرل زرش فاطمہ سمیت دیگر وکلا شامل ہیں ۔