Live Updates

چیئرمین و سپیکر اور ڈپٹی چیئرمین و ڈپٹی سپیکر کی تنخواہوں میں اضافہ واپس بھی ہو سکتا ہے، سپیکر قومی اسمبلی

جمعہ 13 جون 2025 16:55

اسلام آباد (اُردو پوائنٹ اخبارتازہ ترین - اے پی پی۔ 13 جون2025ء) سپیکر قومی اسمبلی سردار ایاز صادق نے کہا ہے کہ چیئرمین اور سپیکر و ڈپٹی چیئرمین و ڈپٹی سپیکر کی تنخواہوں میں اضافہ واپس بھی ہو سکتا ہے۔

(جاری ہے)

جمعہ کو قومی اسمبلی میں بجٹ تقریر میں عمر ایوب نے کہا کہ چیئرمین و ڈپٹی چیئرمین اور سپیکر و ڈپٹی سپیکر کی تنخواہوں میں 600 فیصد اضافہ کیا گیا ہے، یہ واپس ہونا چاہئے۔ سپیکر سردار ایاز صادق نے کہا کہ چیئرمین، ڈپٹی چیئرمین، سپیکر اور ڈپٹی سپیکر کی تنخواہوں میں اضافہ فنانس کمیٹی نے نہیں کیا ہے، جنہوں نے یہ اضافہ کیا ہے وہ کرسکتے ہیں اور یہ اضافہ وہ واپس بھی کر سکتے ہیں۔