ایڈیشنل ڈپٹی کمشنرریونیو بہاولپور کی زیر صدارت ڈسٹرکٹ پرائس فکسیشن کمیٹی کا اجلاس ، اشیا کی قیمتیں مقرر کیں

جمعہ 13 جون 2025 17:03

بہاولپور (اُردو پوائنٹ اخبارتازہ ترین - اے پی پی۔ 13 جون2025ء) ایڈیشنل ڈپٹی کمشنرریونیو بہاولپور امیر تیمور کی زیر صدارت ڈسٹرکٹ پرائس فکسیشن کمیٹی کا اجلاس ڈپٹی کمشنر آفس میں منعقد ہوا۔اجلاس میں اشیائے خوردونوش کی قیمتوں کا جائزہ لیا گیا۔اجلاس میں ایڈیشنل ڈپٹی کمشنرجنرل محمد طیب، اسسٹنٹ کمشنر بہاولپور صدر، اسسٹنٹ کمشنر احمد پور شرقیہ، ڈی او انڈسٹریز، اور انجمن تاجران کے ممبران نے شرکت کی۔

اجلاس کو ڈی او انڈسٹریز نے ضلع بہاولپور میں اشیا خوردونوش کی قیمتوں کے حوالے سے بریفنگ دی۔اجلاس میں کمیٹی کے ممبران کی مشاورت سے اشیا کی قیمتیں مقرر کی گئیں ۔ایڈیشنل ڈپٹی کمشنر ریونیو نے کہا کہ شہریوں کو اشیا خوردونوش کی حکومتی نرخوں پر فراہمی کے حوالے سے فوری اقدامات کئے جائیں۔

(جاری ہے)

انہوں نے کہا کہ اشیائے خوردونوش کی قیمتیں مارکیٹس کے جائزے کے بعد مقرر کی جاتی ہیں۔

انہوں نے مزید کہا کہ پرائس کنٹرول مجسٹریٹس روازنہ کی بنیاد پر مارکیٹ کا دورہ کریں اور دکاندار ریٹ لسٹ کو نمایاں جگہ پر آویزاں کریں اورخلاف ورزی کرنے والوں کو بھاری جرمانے کیے جائیں۔اجلاس میں دال چنا (باریک) کا نرخ 248 روپے فی کلو گرام، دال چنا (موٹی)262 روپے فی کلوگرام، دال مونگ 366 روپے فی کلو گرام، دال ماش 380 روپے فی کلوگرام، دال مسور (موٹی) 260 روپے فی کلوگرام، چاول باسمتی کچی 295 روپے فی کلوگرام، چاول اری 120 روپے فی کلوگرام نرخ مقرر کیا گیا۔اسی طرح چنا سفید (9 ایم ایم) 318 روپے فی کلوگرام، چنا سفید باریک 238 روپے فی کلو گرام، بیسن 260 روپے فی کلوگرام، میدہ و سوجی 90 روپے فی کلوگرام روپے فی کلوگرام قیمت مقرر کی گئی۔

Facebook Twitter Google + Share on Whatsapp

ایڈیشنل ڈپٹی کمشنرریونیو بہاولپور کی زیر صدارت ڈسٹرکٹ پرائس فکسیشن کمیٹی کا اجلاس ، اشیا کی قیمتیں مقرر کیں

مزید قومی خبریں