Live Updates

وفاقی بجٹ عوام دشمن ،ناکام ،اشرافیہ کو فائدہ پہنچانے ،غریب کو مزید مشکلات میں دھکیلنے کی سازش ہے، جماعت اسلامی سوات

جمعہ 13 جون 2025 21:00

سوات (اُردو پوائنٹ اخبارتازہ ترین - این این آئی۔ 13 جون2025ء)نائب امیر جماعت اسلامی سوات اختر علی خان نے وفاقی بجٹ 2025-26 کو مکمل طور پر عوام دشمن اور ناکام قرار دیتے ہوئے کہا ہے کہ یہ بجٹ اشرافیہ کو فائدہ پہنچانے جبکہ غریب عوام، محنت کشوں اور تنخواہ دار طبقے کو مزید مشکلات میں دھکیلنے کی سازش ہے۔

(جاری ہے)

انہوں نے سولر پینلز پر ٹیکس اور ملاکنڈ ڈویژن پر 10 فیصد سیلز ٹیکس کے نفاذ کو غیر منصفانہ اور ظالمانہ قرار دیتے ہوئے کہا کہ پسماندہ علاقوں پر مزید بوجھ ڈالنا کسی طور درست نہیں۔اختر علی خان نے مطالبہ کیا کہ ملاکنڈ کو فوری طور پر ٹیکس فری حیثیت دی جائے، بصورت دیگر جماعت اسلامی احتجاج کا راستہ اپنائے گی۔