سرگودھا،قتل کے مقدمہ میں ملوث ملزم کوجرم ثابت ہونے پر م سزائے موت

جمعہ 13 جون 2025 21:20

سرگودھا (اُردو پوائنٹ اخبارتازہ ترین - اے پی پی۔ 13 جون2025ء) سپیشل جج انسداد دہشتگردی سرگودھا نے قتل کے مقدمہ میں ملوث ملزم کوجرم ثابت ہونے پر مجموعی طور پر دو بار سزائے موت، 16 لاکھ روپے جرمانہ اور سات سال قید کا حکم سنا دیا۔

(جاری ہے)

تفصیلات کے مطابق تھانہ کینٹ میں درج مقدمہ نمبر 986/23 جس میں ملزم راحیل نے وکیل کے رُوپ میں ایڈیشنل ڈسٹرکٹ اینڈ سیشن جج کی عدالت کے اندر اپنے مخالف کو پرانی دشمنی کی بناء پر اندھا دُھند فائرنگ کر کے قتل کر دیا تھا۔

گزشتہ روز انسداد دہشتگردی کے سپیشل جج محمد نعیم شیخ نے جرم ثابت ہونے پر ملزم کو دفعہ 302 میں سزائے موت، 10 لاکھ روپے جرمانہ، 7ATA میں سزائے موت، 5 لاکھ روپے جرمانہ، 13/20/65 میں 7 سال قید ایک لاکھ روپے جرمانہ کا حکم سنا دیا، ملزم کو سزاء کے بعد سخت سکیورٹی میں عدالت سے جیل منتقل کیا گیا۔