Live Updates

ورلڈ ٹیسٹ چیمپئن فائنل میں کھلاڑیوں نے سیاہ پٹیاں باندھیں

بھارت کے شہر احمد آباد میں ہونے والے طیارہ حادثے کے متاثڑین کی یاد میں ایک منٹ کی خاموشی اختیار کی

ہفتہ 14 جون 2025 13:53

لارڈز(اُردو پوائنٹ اخبارتازہ ترین - این این آئی۔ 14 جون2025ء)ورلڈ ٹیسٹ چیمپئن فائنل میں آسٹریلیا اور جنوبی افریقا کے کھلاڑیوں، میچ آفیشلز نے سیاہ پٹیاں باندھیں اور میچ شروع ہونے سے قبل ایک منٹ کی خاموشی اختیار کی۔لارڈ کرکٹ گراؤنڈ میں جاری آئی سی سی ورلڈ ٹیسٹ چیمپئن شپ فائنل کے تیسرے دن جنوبی افریقا اور آسٹریلیا کے کھلاڑی اور میچ آفیشلز کے بازو پر سیاہ پٹیاں باندھے ہوئے ہیں۔

(جاری ہے)

ٹیسٹ اختتام کی جانب گامزن ہے اور دفاعی چیمپئن آسٹریلیا نے جنوبی افریقا کو جیت کے لیے 282 رنز کا ہدف دیا ہے۔تاہم کھلاڑی اور میچ آفیشلز نے بھارت کے شہر احمد آباد میں ہونے والے طیارہ حادثے کے متاثڑین کی یاد میں ایک منٹ کی خاموشی اختیار کی اور بازو پر سیاہ پٹیاں بھی باندھیں، گزشتہ روز پیش آنے والے فضائی حادثے میں 241 افراد ہلاک ہوئے تھے۔ایئر انڈیا کے بوئنگ 787-8 میں 242 مسافر اور عملے کے ارکان سوار تھے جب طیارہ ٹیک آف کرنے کے چند سیکنڈز بعد ہی ہاسٹل پر گر کر تباہ ہوگیا۔