پیرودھائی پولیس کی کاروائی، تاش کے پتوں پر جواء کھیلنے والے سات افراد گرفتار

ہفتہ 14 جون 2025 22:50

راولپنڈی(اُردو پوائنٹ اخبارتازہ ترین - این این آئی۔ 14 جون2025ء)پیرودھائی پولیس کی ایک کارروائی کے دوران تاش کے پتوں پر جواء کھیلنے والے سات افراد کو گرفتار کر لیا گیا ۔گرفتار افراد سے داؤ پر لگی رقم 41 ہزار روپے،6 موبائل فونز اور تاش کے پتے برآمد۔

(جاری ہے)

تفصیلات کے مطابق پیرودھائی پولیس نے کاروائی کرتے ہوئے تاش کے پتوں پر جواء کھیلنے والے 07 افراد کو حراست میں لے لیا، زیر حراست افراد سے داؤ پر لگی رقم 41 ہزار روپے،6 موبائل فونز اور تاش کے پتے برآمد ہوئے، ایس پی راول محمد حسیب راجہ کا کہنا تھا کہ زیر حراست افراد کو ٹھوس شواہد کے ساتھ چالان کیا جائے گا۔

دریں اثناء تھانہ صدر واہ پولیس نے ایک شخص کو گرفتار کر کے 780 گرام چرس برآمد کی ادھر کہوٹہ پولیس نے ایک شخص کو گرفتار کر کے 520 گرام چرس برآمد کی، واہ کینٹ پولیس نے تین افراد کو گرفتار کر کے 28 لیٹر شراب برآمد کی، وارث خان پولیس نے ایک فرد کو گرفتار کر کے 10 لیٹر شراب برآمد کی، صدر بیرونی پولیس نے ایک فرد کو گرفتار کرکے 05 لیٹر شراب برآمد کر کے الگ الگ مقدمات درج کر لیے، ڈویژنل ایس پیز کا کہنا تھا کہ نوجوان نسل کی رگوں میں منشیات کے ناسور کے خاتمے تک ڈائون جاری رہے گا۔