شاعر و مزاح نگار ابن انشاء کا یوم پیدائش اتوار 15 جون کو منایا گیا

اتوار 15 جون 2025 12:30

اسلام آباد (اُردو پوائنٹ اخبارتازہ ترین - اے پی پی۔ 15 جون2025ء) اردو ادب کے عظیم شاعر و مزاح نگار ابن انشاء کا یوم پیدائش اتوار 15 جون کو منایا گیا ۔ابن انشاء کا اصل نام شیر محمد خان تھا اور وہ 15 جون 1927 کو جالندھر میں پیدا ہوئے ۔ انہوں نے بطور صحافی،شاعر،افسانہ وکالم نگار اور سفر نامہ نگار کے طور پی شہرت پائی ۔ ان کی معروف غزل ’’ انشاء جی اٹھو اب کوچ کرو ‘‘ نے انہیں شہرت کی بلندیوں تک پہنچا دیا۔

ابن انشاء ملک کے معروف اخبارات و جرائد میں کالم لکھتے رہے ہیں جبکہ بطور شاعر ان کے متعدد مجموعے ’’ دل وحشی ‘‘ ’’ چاند نگر ‘‘ اور ’’ اس بستی کے کوچے میں ‘‘ شائع ہو چکے ہیں۔ ابن انشاء نے یونیسکو کے مشیر کی حیثیت سے مختلف یورپی و ایشیائی ممالک کے تفصیلی دورے کیے۔

(جاری ہے)

ان کے سفر ناموں میں ’’ ابن بطوطہ کے تعاقب میں ‘‘چلتے ہو تو چین کو چلیے ‘‘ ’’ دنیا گول ہے ‘‘ ’’ نگری نگری پھرا مسافر ‘‘ اور ’’ آوارہ گرد کی ڈائری ‘‘ شامل ہیں۔

ابن انشاء کے کالموں اور خطوط کے مجموعوں پر مشتمل کتب ’’ خمار گندم ‘‘ ’’ اردو کی آخری کتاب ‘‘ اور ’’ خط انشاء جی کے ‘‘ قارئین میں بے پناہ پزیرائی حاصل کر چکی ہیں۔ان کی خدمات کے اعتراف میں انہیں تمغہ حسن کارکردگی سمیت متعدد قومی و بین الاقوامی ایوارڈز سے نقازا گیا۔ابن انشاء 11 جنوری 1978 ء کو لندن میں انتقال کر گئے انہیں کراچی میں دفن کیا گیا ہے۔ابنانشا ء کی سموقع پر ملک بھر کے ادبی و صحافتی حلقوں کی جانب سے ان کی خدمات کو خراج عقیدت پیش کیا گیا۔