موٹر سائیکل چور گرفتار، 4موٹر سائیکلیں برآمد

اتوار 15 جون 2025 16:40

اسلام آباد (اُردو پوائنٹ اخبارتازہ ترین - اے پی پی۔ 15 جون2025ء) اسلام آباد کیپٹل ٹیریٹری (آئی سی ٹی) پولیس نے اتوار کو بدنام زمانہ موٹر سائیکل چور گینگ کے مطلوب رکن کو گرفتار کر کے اس کے قبضے سے چوری شدہ 4 موٹر سائیکلیں اور اسپیئر پارٹس برآمد کر لیے۔

(جاری ہے)

ترجمان اسلام آباد پولیس کے مطابق ہمک پولیس کی ٹیم نے ملزم کو گرفتار کیا ہے جس کی شناخت نصر اللہ کے نام سے ہوئی جو وفاقی دارالحکومت میں موٹر سائیکل چوری کی متعدد وارداتوں میں ملوث تھا۔

انہوں نے کہا کہ گرفتار ملزم کے خلاف پہلے ہی متعدد مقدمات درج ہیں جبکہ اس کے ساتھیوں کا سراغ لگانے اور مزید برآمدگی کے لیے مزید تفتیش جاری ہے۔ ایس ایس پی آپریشنز محمد شعیب خان نے پولیس ٹیموں کو ہدایت کی ہے کہ جرائم پیشہ عناصر کے خلاف موثر کریک ڈاؤن جاری رکھا جائے اور شہریوں کے جان و مال کے تحفظ کو یقینی بنانے کے لیے ہر ممکن اقدامات کیے جائیں۔

Facebook Twitter Google + Share on Whatsapp

موٹر سائیکل چور گرفتار، 4موٹر سائیکلیں برآمد

متعلقہ عنوان :

مزید قومی خبریں