Yپنجاب میں ہوٹلز اور گیسٹ ہاؤسز مالکان ہوشیار

پنجاب میں موجود تمام ہوٹلز اور گیسٹ ہاؤسز کی ’’Hotel Eye‘‘ سافٹ وئیر میں رجسٹریشن کا آج آخری روز ۸اب تک رجسٹریشن نہ کروانے والے ہوٹل اور گیسٹ ہاؤسز مالکان آن لائن پورٹل http://hoteleye.punjab.gov.pk پر رجسٹریشن کروائیں رجسٹریشن نہ کروانے والے ہوٹلز اور گیسٹ ہاؤسز کیخلاف ’’پنجاب انفارمیشن آف ٹمپریری ریذیڈنس ایکٹ 2015‘‘ کے تحت کاروائی ہوگی فیصلہ دہشت گردی، جرائم اور غیر قانونی سرگرمیوں کی روک تھام کیلئے کیا گیا: ترجمان محکمہ داخلہ پنجاب

اتوار 15 جون 2025 20:10

cلاہور (اُردو پوائنٹ اخبارتازہ ترین - آن لائن۔ 15 جون2025ء) پنجاب میں ہوٹلز اور گیسٹ ہاؤسز مالکان ہو جائیں ہوشیار۔ صوبہ بھر میں موجود تمام ہوٹلز اور گیسٹ ہاؤسز کی ’’Hotel Eye‘‘ سافٹ وئیر میں رجسٹریشن کا آج آخری روز ہے۔ محکمہ داخلہ پنجاب نے تمام ہوٹلز، گیسٹ ہاؤسز اور رہائشی سروسز مہیا کرنے والوں کی رجسٹریشن کیلئے آن لائن پورٹل جاری کیا تھا جس پر رجسٹریشن کیلئے 15 جون کی ڈیڈ لائن دی گئی۔

محکمہ داخلہ پنجاب نے واضح کیا ہے کہ اب تک رجسٹریشن نہ کروانے والے ہوٹل اور گیسٹ ہاؤسز کے مالکان فوری طور پر آن لائن پورٹل http://hoteleye.punjab.gov.pk پر رجسٹریشن کروائیں اور زمہ دار شہری ہونے کا ثبوت دیں۔ رجسٹریشن نہ کروانے والے ہوٹلز اور گیسٹ ہاؤسز کیخلاف ’’پنجاب انفارمیشن آف ٹمپریری ریذیڈنس ایکٹ 2015‘‘ کے تحت کارروائی ہوگی۔

(جاری ہے)

ترجمان محکمہ داخلہ پنجاب نے بتایا کہ دنیا بھر میں چلنے والی آن لائن بکنگ ایپلیکیشنز سے بکنگ کروانے والوں کی بھی رجسٹریشن لازمی قرار دی گئی ہے۔

ترجمان نے بتایا کہ فیصلہ دہشت گردی، جرائم اور غیر قانونی سرگرمیوں کی روک تھام کیلئے کیا گیا۔ بیرون ملک اور اندرون ملک سے متعدد افراد پنجاب کے ہوٹلز اور گیسٹ ہاؤسز میں قیام کرتے ہیں۔ صوبہ بھر کے ہوٹلز اور نجی گیسٹ ہاؤسز میں قیام کرنے والے افراد کا ڈیٹا ''ہوٹل آئی'' میں درج کرنا ہوگا۔ نجی گیسٹ ہاؤسز کے مالکان اپنے لاگ ان سے مہمانوں کی معلومات فراہم کریں گے۔ ملکی اور غیر ملکی رہائشیوں کی ڈیجیٹل تصدیق سے جرائم کے خاتمے میں مدد ملے گی۔ اب تک رجسٹریشن نہ کروانے والے ہوٹل اور گیسٹ ہاؤس مالکان فوری ہوٹل آئی پر رجسٹریشن کروائیں۔

Facebook Twitter Google + Share on Whatsapp

Yپنجاب میں ہوٹلز اور گیسٹ ہاؤسز مالکان ہوشیار

متعلقہ عنوان :

مزید قومی خبریں