ڈسٹرکٹ الیکشن کمشنر محمد جمیل کی زیر صدارت ووٹر ایجوکیشن کمیٹی کا اجلاس

منگل 17 جون 2025 18:29

نارووال(اُردو پوائنٹ اخبارتازہ ترین - این این آئی۔ 17 جون2025ء)ڈسٹرکٹ ووٹر ایجوکیشن کمیٹی کا اجلاس ڈسٹرکٹ الیکشن کمشنر محمد جمیل کی زیر صدارت منعقد ہوا۔ اجلاس میں اسسٹنٹ الیکشن کمشنر محمد حسین،محکمہ تعلیم سے عبدالواحد تتلہ، نذیراں بی بی، ڈاکٹر عابد محمود، محمد اعجاز، فافن کے نمائندہ محمد یامین، فاروق واہلہ سمیت دیگر ممبران نے شرکت کی۔

اجلاس میں ووٹ کی اہمیت، عوامی آگاہی مہم میں خواتین کے کردار اور بالخصوص نوجوان طلبہ میں ووٹ کے شعور کو فروغ دینے پر تفصیلی گفتگو کی گئی۔

(جاری ہے)

شرکا نے کہا کہ ملک کے نوجوان مستقبل کے معمار ہیں اور انہیں ابتدا ہی سیجمہوری اقدار اور ووٹ کی طاقت سے روشناس کرانا نہایت ضروری ہے۔ڈسٹرکٹ الیکشن کمشنر محمد جمیل نیکہاکہ تمام تعلیمی اداروں میں آگاہی سیشنز اور سیمینارز کا انعقاد کیا جائے گا تاکہ اٹھارہ سال سے زائد عمر کے طلبہ کو ووٹر رجسٹریشن، ووٹ کی اہمیت، اور ذمہ دارانہ ووٹ کاسٹ کرنے کے اصولوں سے آگاہ کیا جا سکے۔ انہوں نے مزید کہا کہ طلبہ سوشل میڈیا اور کمیونٹی کے ذریعے ووٹ کے بارے میں مثبت پیغام عام کرنے میں بھی اہم کردار ادا کر سکتے ہیں۔