کراچی میں بچوں کو انسداد پولیو ویکسین پلانے سے انکار کے کیسز بڑھنے لگے

مئی میں انسداد پولیو مہم کے دوران 37 ہزار 711 والدین نے بچوں کی ویکسینیشن سے انکار کیا

منگل 17 جون 2025 20:06

کراچی میں بچوں کو انسداد پولیو ویکسین پلانے سے انکار کے کیسز بڑھنے ..

کراچی (اُردو پوائنٹ اخبارتازہ ترین - این این آئی۔ 17 جون2025ء)کراچی میں والدین کی جانب سے بچوں کوانسداد پولیو ویکسین پلانے سے انکار کے کیس بڑھنے لگے، مئی میں انسداد پولیو مہم کے دوران 37 ہزار 711 والدین نے بچوں کی ویکسینیشن سے انکار کیا۔میڈیا رپورٹ کے مطابق کراچی میں والدین کی جانب سے بچوں کوانسداد پولیو ویکسین پلانے سے انکار کے کیسز میں اضافہ ہورہا ہے۔

(جاری ہے)

ایمرجنسی آپریشن سینٹر کے مطابق مئی کی انسداد پولیو مہم کے دوران ضلع شرقی میں سب سے زیادہ 9433 والدین نے ویکسینیشن سے انکار کیا، جبکہ ضلع وسطی میں ضلع وسطی میں7141 اور کیماڑی میں 7011 والدین نے اپنے بچوں کو پولیو ویکسین نہیں پلائی۔اسی طرح کورنگی میں3453، ملیر میں 4606، ضلع جنوبی میں 3145 اور غربی میں 2922 والدین نے بچوں کو پولیو ویکسین نہیں پلائی۔ایمرجنسی آپریشن سینٹر کے مطابق اپریل میں ہونیو الی مہم کے دوران 37360 والدین نے انسداد پولیو ویکسینیشن سے انکار کیا تھا۔