ضلعی انتظامیہ اور ویسٹ مینجمنٹ کمپنی شہر کی صفائی کے لئے سرگرم عمل ہے، ڈپٹی کمشنرملتان

بدھ 18 جون 2025 12:03

ملتان (اُردو پوائنٹ اخبارتازہ ترین - اے پی پی۔ 18 جون2025ء) ڈپٹی کمشنرملتان وسیم حامد سندھو نے کہا ہے کہ ضلعی انتظامیہ اور ویسٹ مینجمنٹ کمپنی شہر کی صفائی کے لیے سرگرم عمل ہیں ۔ان خیالات کا اظہار انہوں نے شہر کے مختلف علاقوں کا دورہ کرتے ہوئے کیا۔انہوں نے عملہ صفائی کی کارکردگی چیک کی اور شہریوں سے بات چیت کی۔

(جاری ہے)

انہوں نے صفائی کا نظام مثالی بنانے اور عوام کو ریلیف دینے کا الٹی میٹم دیا۔

ڈپٹی کمشنر نے کہا کہ وزیر اعلیٰ پنجاب مریم نواز کا ستھرا پنجاب پروگرام خصو صی فوکس ہے۔ستھرا پروگرام کے تحت دیہی و شہری علاقوں میں یکساں صفائی نظام نافذ کیا گیا ہے۔انہوں نے کہا کہ نجی کنٹریکٹرز کی کارکردگی کو سختی سے مانیٹر کیا جارہا ہے۔ڈپٹی کمشنر نے گلی محلوں میں پیدل چل کر صفائی صورتحال چیک کی،اس موقع پر دیگر متعلقہ افسران بھی ان کے ہمراہ تھے۔