شاہ رخ خان کا عامرخان کی ستارے زین پر کے سیٹ کا دورہ

عامرخان تین برس بعد بڑی اسکرین پراپنی واپسی کے لیے اپنی آئندہ آنیوالی فلم ستارے زمین پر، کے ساتھ تیار ہیں

جمعرات 19 جون 2025 13:30

شاہ رخ خان کا عامرخان کی ستارے زین پر کے سیٹ کا دورہ

ممبئی (اُردو پوائنٹ اخبارتازہ ترین - این این آئی۔ 19 جون2025ء)بالی ووڈ سپر اسٹار شاہ رخ خان نے اپنے ہم عصر سپر اسٹار عامر خان کی فلم ستارے زین پر کے سیٹ کا دورہ کیا۔ اس موقع پر کنگ خان کا کہنا تھا کہ عامر خان نے انھیں کاسٹ سے ملاقات کے لیے کم از کم دس بار کال کی تھی۔ دریں اثنا شاہ رخ کو اپنے درمیان دیکھ کر فلم کی کاسٹ کے اراکین حیران رہ گئے۔ اس موقع پر شاہ رخ اور عامر خان گرمجوشی سے بغلگیر ہوئے۔

بعدازاں شاہ رخ نے سیٹ پر موجود اداکاروں سے فردا فردا ملاقات کی۔

(جاری ہے)

واضح رہے کہ ان دنوں عامر خان تین برس بعد بڑی اسکرین پر اپنی واپسی کے لیے اپنی آئندہ آنیوالی فلم ستارے زمین پر، کے ساتھ تیار ہیں۔ جمعرات کو عامر خان اور انکی ٹیم نے اس فلم کی تیاری کے حوالے سے ایک اسپشل بی ٹی ایس ویڈیو شیئر کیا، جہاں شاہ رخ خان نے سیٹ کا دورہ کیا۔شاہ رخ نے اس ویڈیو میں کہا کہ انھیں یہاں آنے کے لیے عامر خان نے دس بار کال کی اور کہا یہاں آکر اداکاروں سے ملو، یہ بہت اچھا کام کر رہے ہیں۔ کنگ خان کا کہنا تھا کہ مجھے اس سے قبل وقت نہیں ملا تھا۔ یہاں تک کہ تین روز قبل عامر مجھے ملے اور کہا شاہ تو نہیں آیا یار!!