Live Updates

نئی یورپی ویزا صلاحات سے اسرائیلی شہریوں کے متاثر ہونے کا امکان

نئے ویزہ میکنیزم کے لاگو ہونے کے بعد اسرائیلی شہریوں کے یورپ میں محدود قیام کے عمل کو معطل کردیا جائے گا،غیرملکی میڈیا

جمعرات 19 جون 2025 16:42

برسلز (اُردو پوائنٹ اخبارتازہ ترین - این این آئی۔ 19 جون2025ء)یورپی یونین نئی ویزہ اصلاحات میں اسرائیلی حکومت کی انسانی حقوق کی خلاف ورزیوں کے بنیاد پر اسرائیلی شہری پابندیوں کا شکار ہونے جارہے ہیں۔غیر ملکی میڈیا کے مطابق یورپ میں نئے ویزہ میکنیزم کے لاگو ہونے کے بعد اسرائیلی شہریوں کے یورپ میں محدود قیام کے عمل کو معطل کردیا جائے گا۔نئے قوانین میں ترمیم یورپ میں ویزہ فری قیام کی اسکیموں میں انسانی حقوق کی خلاف ورزیوں کی بنیاد پر لائی گئی ہیں۔

(جاری ہے)

اس وقت مجموعی طور پر 61 ممالک جن میں اسرائیل، آسٹریلیا، برازیل، جاپان، برطانیہ، یوکرین اور مغربی بلقان کی ریاستوں کے شہریوں کو یورپ میں محدود قیام کے لیے 90 سے 180 دنوں کے مختصر قیام کی سہولت حاصل ہے۔یورپی قانون سازوں اور رکن ممالک نے اس معطلی کے نظام کے حوالے سے اتفاق کیا گیا ہے جس میں اقوام متحدہ چارٹر کی خلاف ورزیوں، عالمی انسانی حقوق کی خلاف ورزیوں یا انسانی حقوق کے قوانین کی خلاف ورزی کے مرتک ممالک یا عالمی قوانین کے خلاف جانے والے ممالک کے شہریوں کو ویزا فری اسٹیٹس کو معطل کر دیا جائے گا۔