آڈیو لیکس کیس ، علی امین گنڈاپور پر فرد جرم عائد کرنے کی تاریخ مقرر

کیا لائسنس پوچھنا جرم ہی مجھے ایوارڈ دیا جانا چاہئے مگر مجھ پر ہی مقدمہ بنا دیا گیا ، علی امین گنڈاپور

جمعرات 19 جون 2025 18:38

آڈیو لیکس کیس ، علی امین گنڈاپور پر فرد جرم عائد کرنے کی تاریخ مقرر

اسلام آ باد (اُردو پوائنٹ اخبارتازہ ترین - این این آئی۔ 19 جون2025ء) عدالت نے آڈیو لیکس کیس میں علی امین گنڈاپور پرفرد جرم عائد کرنے کی تاریخ مقرر کردی۔جمعرات کو ڈسٹرکٹ اینڈ سیشن عدالت اسلام آباد میں ایڈیشنل ڈسٹرکٹ اینڈ سیشن جج نصر من اللہ بلوچ علی امین گنڈا کیخلاف آڈیو لیک کیس پر سماعت کی۔

(جاری ہے)

وکیل راجا ظہور الحسن نے عدالت کو بتایا کہ علی امین گنڈا پور کی پشاور ہائیکورٹ سے ضمانت ہوچکی ہے جس پر عدالت نے علی امین کے وارنٹ گرفتاری منسوخ کردیئے اور فرد جرم عائد کرنے کیلئے 2جولائی کی تاریخ مقرر کردی۔

اس موقع پر علی امین گنڈاپور نے عدالت نے بولنے کی اجازت مانگتے ہوئے کہا کہ کیا لائسنس کا پوچھنا جرم ہی ،مجھے تو ایوارڈ دینا چاہئے تھا، مجھ پر ہی آڈیو لیک کا مقدمہ درج کردیا گیا۔عدالت نے ریمارکس دیئے کہ یہ تو کیس کے میرٹ پر بات ہوگی، آپ عدالت میں پیش ہی نہیں ہوتے، علی امین نے کہا کہ میں پیش ہوتا ہوں، بہت بار پیش ہوا، میرا دوسری عدالت میں ایک دوسرا کیس ہے وہاں بھی 2جولائی کی تاریخ ہے۔عدالت نے فرد جرم کارروائی کیلئے حاضری ضروری قرارداد دے دی۔