اداکارہ افشین حیات نامور اداکارہ و ماڈل مہوش حیات کی رشتہ دار نکل آئیں

جمعہ 20 جون 2025 12:14

کراچی (اُردو پوائنٹ اخبارتازہ ترین - این این آئی۔ 20 جون2025ء)پاکستانی ڈرامہ و فلم انڈسٹری کی ابھرتی اداکارہ افشین حیات نامور اداکارہ و ماڈل مہوش حیات کی رشتہ دار نکل آئیں۔جیو انٹرٹینمنٹ کے ڈرامہ سیریل ڈائن میں آج کل مہوش حیات کو مرکزی کردار میں دیکھا جا رہا ہے۔مہوش حیات کو ڈرامہ شائقین 7 سال بعد چھوٹی اسکرین پر دیکھ کر خوب انجوائے کر رہے ہیں۔

(جاری ہے)

بہت کم ڈرامہ شائقین جانتے ہیں کہ ڈرامہ سیریل ڈائن میں زکیہ کا کردار ادا کرنے والی اداکارہ مہوش حیات کی بہن ہیں۔مہوش حیات کی بڑی بہن افشین حیات نے 2022 میں شوبز انڈسٹری میں قدم رکھا تھا۔ اداکارہ افشین کو انڈسٹری میں متعارف کروانے والی ان کی بہن مہوش حیات ہی تھیں۔اداکارہ افشین حیات نے مہوش حیات کے ساتھ ٹیلی فلم اجازت میں ڈیبیو کیا تھا۔