سعودی وزیرخارجہ او آئی سی اجلاس میں شرکت کےلیے استنبول پہنچ گئے

ہفتہ 21 جون 2025 09:10

استنبول (اُردو پوائنٹ اخبارتازہ ترین - اے پی پی۔ 21 جون2025ء) سعودی عرب کے وزیرخارجہ شہزادہ فیصل بن فرحان اسلامی تعاون تنظیم ( اوآئی سی) کے وزرائے خارجہ کونسل کے 51 ویں اجلاس میں شرکت کے لیے استنبول پہنچ گئے۔ایس پی اے کے مطابق او آئی سی وزارتی کونسل کے اجلاس کی صدارت ترکیہ کر رہا ہے۔

(جاری ہے)

او آئی سی کے رکن ممالک کثیر الجہتی اقدامات، خطے کی صورتحال، اس کے علاقائی اور بین الاقوامی اثرات پر تبادلہ خیال کریں گے۔و آئی سی کا اجلاس ایک ایسے وقت ہورہا ہے جب مشرق وسطی میں کشیدگی ہے، توقع ہے اجلاس کے شرکا اہم جغرافیائی چیلنجوں سے نمٹیں گے اور اہم ایشوز پر او آئی سی کے اجتماعی موقف کا اعادہ کیا جائے گا۔