لاہور، معمولی تلخ کلامی پر 12 سالہ لڑکے پر پٹرول چھڑک کر آگ لگا دی

واقعہ پرانی انار کلی کے علاقے میں پیش آیا جہاں دو نوجوانوں نے اویس کو تشدد کا نشانہ بنانے کے بعد اس پر پٹرول ڈال کر آگ لگا دی، اویس کو ہسپتال منتقل کر دیاگیا، پولیس نے مقدمہ درج کرلیا

فیصل علوی ہفتہ 21 جون 2025 17:00

لاہور، معمولی تلخ کلامی پر 12 سالہ لڑکے پر پٹرول چھڑک کر آگ لگا دی

لاہور(اردوپوائنٹ اخبار تازہ ترین۔21جون 2025)صوبائی دارالحکومت لاہور میں معمولی تلخ کلامی پر 12سالہ لڑکے پر پٹرول چھڑ ک کر آگ لگا دی،لڑکے کو ہسپتال منتقل کر دیاگیا جہاں اس کا علاج جاری ہے،واقعہ کی اطلاع ملتے ہی ریسکیو اہلکار اور پولیس کی نفری موقع پر پہنچ گئی۔تفصیلات کے مطابق افسوسناک اور انسانیت سوزواقعہ لاہور کے علاقے پرانی انار کلی میں پیش آیا جہاں 12 سالہ لڑکے اویس کو مبینہ طور پر پٹرول چھڑک کر آگ لگا دی گئی۔

پولیس کے مطابق واقعہ معمولی تلخ کلامی کے بعد پیش آیاجس میں دو نوجوانوں نے اویس کو تشدد کا نشانہ بنانے کے بعد اس پر پٹرول ڈال کر آگ لگا دی۔ پولیس کا کہنا ہے کہ اویس اپنے بھائی کی جیولری شاپ پر موجود تھا جب یہ افسوسناک واقعہ پیش آیاجس کے بعداویس کو شدید زخمی حالت میں فوری طور پرہسپتال منتقل کر دیا گیا ہے جہاں وہ زیر علاج ہے۔

(جاری ہے)

پولیس نے زخمی اویس کے بھائی رجب کی مدعیت میں مقدمہ درج کر لیا گیا ہے۔

پولیس کا کہنا ہے کہ واقعہ کی تحقیقات جاری ہیں مزید حقائق تفتیش میں سامنے آسکیں گے۔واضح رہے کہ اس سے قبل بھی ڈی آئی خان کے علاقے پہاڑ پور میں پیٹرول پمپ پر معمولی تلخ کلامی پر فائرنگ کا واقعہ پیش آیا تھا۔پولیس کے مطابق فائرنگ سے 2 نوجوان جاں حق ہو گئے، جبکہ فائرنگ کرنے والے ملزمان فرار ہو گئے تھے۔پولیس کا کہنا ہے ملزمان کی تلاش جاری تھی۔

ابتدائی تحقیقات کے مطابق واقعہ ذاتی دشمنی کے باعث پیش آیا تھا۔پولیس کے مطابق مقتولین کی لاشوں کو ہسپتال منتقل کر دیا گیا تھا۔قبل ازیں بھی معمولی تلخ کلامی پر چھ ملزمان نے فائرنگ کرکے نوجوان کو موت کے گھاٹ اتاردیا تھاپولیس رپورٹ کے مطابق محلہ یونس آباد کی خاتون سائرہ اپنے بیٹے حمزہ امین کے ہمراہ گھرکاسودا لینے کیلئے کریانہ سٹور پر گئی تو وہاں پرپہلے سے موجود ملزمان حماس‘اسد‘زین‘احمد اور دو نامعلوم نے اس کے بیٹے حمزہ امین کو زدوکوب کرناشروع کردیاتھا خاتون نے ملزمان کو منع کیاتو ملزمان نے اس کے بیٹے پر قتل کردینے کی نیت سے فائرنگ کرناشروع کردی تھی جس کے نتیجہ میں گولیاں لگنے سے اس کا بیٹا شدیدزخمی ہوگیا جس کوطبی امدادکیلئے سول ہسپتال لایاگیاجہاں پراس کی حالت تشویشناک ہونے پر گوجرانوالہ ریفرکردیاگیا جو زخموں کی تاب نہ لاتے ہوئے دم توڑگیاتھا۔