تاریخ کے سب سے بھاری بم گرانے کا فیصلہ شام 7 بجے کیا گیا، امریکی بی 2 طیارے کس وقت ایرانی حدود میں داخل ہوئے، تفصیلات سامنے آ گئیں

ٹرمپ چاہتے تھے کہ ایران پر حملے کی کارروائی صرف امریکہ کی اپنی ہو، بی 2 بمبار طیاروں نے گھنٹوں خاموشی سے پرواز کی، بی 2 بمبار طیارے جس خاموشی سے ایرانی فضائی حدود میں داخل ہوئے تھے کارروائی کرنے کے بعد خاموشی سے ایران سے باہر نکل گئے، برطانوی اخبار کی رپورٹ

فیصل علوی پیر 23 جون 2025 17:00

تاریخ کے سب سے بھاری بم گرانے کا فیصلہ شام 7 بجے کیا گیا، امریکی بی 2 ..

لندن(اردوپوائنٹ اخبار تازہ ترین۔23جون 2025) تاریخ کے سب سے بھاری بم گرانے کا فیصلہ واشنگٹن کے وقت کے مطابق شام 7 بجے کیا گیا، امریکی بی 2طیارے کس وقت ایرانی حدود میں داخل ہوئے،تفصیلات سامنے آ گئیں، برطانوی اخبار نے امریکی بی 2 بمبار طیاروں کی جانب سے ایرانی جوہری تنصیبات پر بمباری سے متعلق تفصیلی رپورٹ شائع کر دی، رپورٹ کے مطابق ٹرمپ چاہتے تھے کہ ایران پر حملے کی کارروائی صرف امریکہ کی اپنی ہو اس لئے انہوں نے فیصلہ کیا کہ بی 2 بمبار طیارے راستے میں کہیں نہیں رکیں گے۔

بی 2 بمبار طیاروں نے گھنٹوں خاموشی سے پرواز کی۔ ہر جہاز کے 2 پائلٹ تھے جو باری باری نیند پوری کرتے رہے۔ امریکی طیارے کارروائی کرکے بی 2 بمبار طیارے جس خاموشی سے ایرانی فضائی حدود میں داخل ہوئے تھے اسی خاموشی سے ایران سے باہر نکل گئے۔

(جاری ہے)

برطانوی اخبار نے اپنی رپورٹ میں بتایا کہ بی 2 بمبار طیاروں کے جھنڈ نے امریکہ میں میزوری کے وائٹمین ائیر فورس بیس سے اڑانیں بھریں اور بی 2 بمبار طیاروں کی راستے میں کئی بار فضا میں ہی ری فیولنگ کی گئی۔

اسٹیلتھ بی 2 بمبار طیارے میزوری سے اڑے تو یہ بات خفیہ نہیں رہی۔ اندازے تھے کہ بمبار طیارے گوام یا پھر ڈیاگو گارشیا کے فوجی اڈوں پر منتقل کیا جارہا ہے مگر گوام یا ڈیاگو گارشیا میں جہازوں کے اترنے کی علامتیں دراصل ’دھوکا‘ دینے کی ایک کوشش تھی۔ برطانوی اخبار کی رپورٹ کے مطابق بمبار طیارے ہدف کے نزدیک پہنچے تو مدد کیلئے گائیڈڈ میزائلوں سے لیس امریکی بحریہ کی آبدوز بھی پوزیشن لئے ہوئی تھی۔

بحیرہ عرب میں متعدد جنگی بحری جہازوں کا فلیٹ بی 2 بمبار طیاروں کی مدد کیلئے تیار تھا۔ امریکی بحری جہازوں میں ہر ایک جہاز پر 154 وارہیڈز لدے ہوئے تھے۔ برطانوی میڈیا کی رپورٹ میں مزید بتایا گیا ہے کہ بی 2 بمبار حملے کیلئے تیار ہوئے تو انہیں فورتھ اور ففتھ جنریشن فائٹر جیٹس نے ایرانی طیاروں کے ممکنہ حملوں سے بچاؤ کیلئے اپنے حصار میں لیا۔

رات کے 2 بجے تمام طیارے خاموشی سے ایرانی فضائی حدود میں داخل ہوئے تو انہیں ایرانی فضائیہ یا ریڈار سے کوئی مزاحمت نہیں ملی تھی۔ 6 بمبار طیاروں نے فردو پر حملہ کیا۔ نطنز پر حملے کی کارروائی صرف ایک بمبار طیارے نے کی۔ 6 بی 2 بمبار طیاروں نے 30 ہزار پونڈز کے بنکر بسٹر بم فردو پر گرائے۔ فردو کے جوہری تنصیب کی مضبوطی کو مدنظر رکھتے ہوئے ایک ہی جگہ پر دو بم گرائے گئے تاکہ مکمل تباہی ہو۔