ٹرمپ کا خیال ہے مذاکرات سے انکار پر ایرانی عوام کو حکومت کا تختہ الٹ دینا چاہیے، وائٹ ہاؤس

پیر 23 جون 2025 23:34

واشنگٹن (اُردو پوائنٹ اخبارتازہ ترین - این این آئی۔ 23 جون2025ء)امریکی صدر ڈونلڈ ٹرمپ کا خیال ہے اگر ایران اپنے جوہری پروگرام پر مذاکرات سے انکار کرتا ہے تو ایرانی عوام کو اپنی حکومت کا تختہ الٹ دینا چاہیے۔وائٹ ہاؤس کے مطابق امریکی صدر اب بھی سفارتی حل میں دلچسپی رکھتے ہیں۔

(جاری ہے)

وائٹ ہاؤس کی پریس سیکریٹری کیرولائن لیویٹ نے کہا کہ اگر ایرانی حکومت پٴْرامن سفارتی حل کی طرف آنے سے انکار کرتی ہے، جس میں امریکی صدر اب بھی دلچسپی رکھتے ہیں اور اس میں شامل ہونے کے خواہاں ہیں، تو ایرانی عوام اس انتہائی پرتشدد حکومت سے، جو دہائیوں سے ان پر ظلم کر رہی ہے، اقتدار کیوں نہ چھین لیں ۔