&گرانفروشی، سرکاری نرخوں کی خلاف ورزی اور ناقص اشیاء کی فروخت پر چھ لاکھ روپے سے زائد جرمانے

پیر 23 جون 2025 22:00

Wلاہور (اُردو پوائنٹ اخبارتازہ ترین - آن لائن۔ 23 جون2025ء) دفتر محتسب پنجاب نے عوامی شکایات پر فوری کارروائی کرتے ہوئے صوبے بھر میں زائد قیمتوں، ناقص اور مضر صحت اشیاء کی فروخت میں ملوث عناصر کے خلاف مؤثر اقدامات کیے ہیں۔ محتسب پنجاب کی ہدایت پر مختلف شہروں اور علاقوں میں انسپکشن اور موقع پر حقائق کی تصدیق کے بعد کارروائیاں کی گئیں۔ یہ آپریشنز پرائس کنٹرول مجسٹریٹس اور پنجاب فوڈ اتھارٹی کے افسران نے محتسب پنجاب کی ہدایات پر کیے، جن کے دوران روزمرہ استعمال کی اشیاء مثلاً مرغی، مچھلی، گوشت، دودھ، انڈے، کوکنگ آئل، مشروبات اور تلی ہوئی اشیاء کی قیمتوں اور معیار کا تفصیلی جائزہ لیا گیا۔

کئی مقامات پر نرخوں کی خلاف ورزی اور ناقص اشیائ کی فروخت سامنے آئی، جس پر سخت کارروائی کرتے ہوئے اب تک مجموعی طور پر 6 لاکھ روپے سے زائد کے جرمانے عائد کیے جا چکے ہیں۔

(جاری ہے)

مزید برآں، ہوٹلوں اور ریسٹورنٹس میں صفائی کی ناقص صورتحال اور غیر محفوظ کھانے کی فراہمی پر بھی سخت کارروائی عمل میں لائی گئی۔ ایسے مقامات پر بھی جرمانے عائد کیے گئے جہاں ماحولیاتی آلودگی اور صفائی کی ناقابلِ قبول حالت پائی گئی۔

دفتر محتسب پنجاب کے ترجمان کے مطابق ان کارروائیوں کا مقصد عوام کو محفوظ، معیاری اور مناسب نرخوں پر اشیائے خور و نوش کی فراہمی یقینی بنانا ہے۔ محتسب پنجاب نے ہدایت کی ہے کہ گرانفروشی، ملاوٹ اور ناقص اشیاء کی فروخت کے خلاف زیرو ٹالرنس پالیسی پر سختی سے عملدرآمد کیا جائے اور یہ سلسلہ آئندہ بھی جاری رکھا جائے۔ ان فوری اور مؤثر اقدامات کو عوامی سطح پر سراہا گیا ہے، جبکہ شکایت کنندگان نے دفتر محتسب پنجاب کا شکریہ ادا کیا ہے کہ اٴْن کی شکایات پر بروقت عملدرآمد ہوا اور عوامی مسائل کا فوری حل ممکن ہوا۔

Facebook Twitter Google + Share on Whatsapp

&گرانفروشی، سرکاری نرخوں کی خلاف ورزی اور ناقص اشیاء کی فروخت پر چھ لاکھ روپے سے زائد جرمانے

متعلقہ عنوان :

مزید قومی خبریں