ٹرمپ کا ایران اور اسرائیل میں جنگ بندی پر اتفاق کااعلان

میں دونوں ممالک کو امن کی جانب آنے پر مبارکباد پیش کرتا ہوں،ٹرمپ

منگل 24 جون 2025 15:00

واشنگٹن (اُردو پوائنٹ اخبارتازہ ترین - این این آئی۔ 24 جون2025ء)امریکی صدر ڈونلڈ ٹرمپ نے کہا ہے کہ ایران اور اسرائیل نے جنگ بندی پر اتفاق کرلیا ہے۔12دن کی جنگ مکمل ختم ہوگئی ہے، دونوں ممالک نے جنگ کو ختم کرنے کے لیے استقامت، ہمت اور ذہانت کا مظاہرہ کیا ہے، جسے 12 روزہ جنگ کہا جانا چاہیے۔ ہر فریق کی جنگ بندی کے دوران دوسرا فریق پرامن اور بااحترام رہے گا دونوں ممالک کو امن کی جانب آنے پر مبارکباد پیش کرتا ہوں۔

خدا اسرائیل، ایران، مشرق وسطی، امریکا اور پوری دنیا پر اپنا رحم کرے۔ میڈیارپورٹس کے مطابق واشنگٹن میں پریس کانفرنس کرتے ہوئے امریکی صدر نے کہا کہ ایران کی جانب سے جنگ بندی کے 12 گھنٹے بعد اسرائیل جنگ بندی کرے گا۔انہوں نے کہا کہ12دن کی جنگ مکمل ختم ہوگئی ہے، ہر فریق کی جنگ بندی کے دوران دوسرا فریق پرامن اور بااحترام رہے گا۔

(جاری ہے)

ڈونلڈ ٹرمپ نے کہا کہ دونوں ممالک نے جنگ کو ختم کرنے کے لیے استقامت، ہمت اور ذہانت کا مظاہرہ کیا ہے، جسے 12 روزہ جنگ کہا جانا چاہیے۔

امریکی صدر نے مزید کہا کہ یہ ایک ایسی جنگ تھی جو برسوں جاری رہ سکتی تھی اور یہ پورے مشرق وسطی کو تباہ کرسکتی تھی، مگر ایسا نہیں ہوا، اور اب کبھی نہیں ہوگا۔اپنے بیان میں ڈونلڈ ٹرمپ نے کہا کہ خدا اسرائیل، ایران، مشرق وسطی، امریکا اور پوری دنیا پر اپنا رحم کرے۔