Live Updates

پاکستان خطے کا معاشی حب ،مستقبل روشن ہے ،علیم عادل شیخ

سوڈان کے اعزازی قونصل جنرل سے لیگی رہنماڈاکٹر نیاز ملک اور سماجی شخصیت مرزا خسرو کی ملاقات

بدھ 25 جون 2025 18:06

پاکستان خطے کا معاشی حب ،مستقبل روشن ہے ،علیم عادل شیخ

کراچی (اُردو پوائنٹ اخبارتازہ ترین - این این آئی۔ 25 جون2025ء)پاکستان کے سینئر سیاستدان اسلامی برادر ملک سوڈان کے اعزازی قونصل جنرل علیم عادل شیخ سے سینئر مسلم لیگی رہنما ڈاکٹر نیاز ملک اور سماجی شخصیت مرزا خسرو نے ملاقات کی اس موقع پر مشرق وسطی میں ایران ،اسرائیل جنگ سے خطے اس کے اثرات ،ملکی و عالمی سیاست سمیت دیگر باہمی دلچسپی کے امور پر تبادلہ خیال کیاگیا اس موقع پر علیم عادل شیخ نے امید ظاہر کی کہ انشا ا للہ پاکستان کا مستقبل روشن ہے خطے میں پاکستان کی اہمیت سے کوئی انکار نہیں کر سکتا دنیا میں پاکستان کے بغیر عالمی معاشی ترقی اور امن کا قیام ممکن نہیں ،ایران ،اسرائیل جنگ بندی خوش آئیند فیصلہ ہے اسلامی دنیا کی پاکستان واحد ایٹمی طاقت ہونے کے ناطے اس کی اہمیت بہت اہم ہے پاکستان خطے کا معاشی حب ہے پاکستان کی جغرافیائی لحاظ سے کئی ممالک سے سرحدیں ملتی ہیں پاکستان کا مستقبل روشن ہے ۔