آرنلڈ شوارزنیگرکو ایکشن نہیں کامیڈی فلم نے دولت مند بنایا

آرنلڈ شوارزنیگر نے 40 سالہ فلمی کیریئر میں ہالی ووڈ کو ٹرمنیٹر، پریڈیٹر، ٹوٹل ریکال، ٹرو لائیز سمیت کئی یادگار فلمیں دیں

جمعرات 26 جون 2025 17:09

آرنلڈ شوارزنیگرکو ایکشن نہیں کامیڈی فلم نے دولت مند بنایا

نیویارک (اُردو پوائنٹ اخبارتازہ ترین - این این آئی۔ 26 جون2025ء)ہالی ووڈ کے اسٹار اداکار آرنلڈ شوارزنیگر نے جس فلم سے 40 ملین ڈالر سے زائد کمائے وہ ایکشن نہیں بلکہ کامیڈی تھی۔77 سالہ آرنلڈ شوارزنیگر نے 40 سالہ فلمی کیریئر میں ہالی ووڈ کو ٹرمنیٹر، پریڈیٹر، ٹوٹل ریکال، ٹرو لائیز سمیت کئی یادگار فلمیں دیں۔آرنلڈ شوارزنیگر کی یہ تمام ہی فلم ایکشنز سے بھرپور ہیں، وہ بلاشبہ ہالی ووڈ کی تاریخ کے سب سے بڑے ایکشن اسٹارز ہیں، انہیں صرف سلویسٹر اسٹالون سے مقابلے کا سامنے رہا۔

حیرت انگیز بات یہ ہے کہ انہیں کبھی بھی ایکشنز فلم سے بڑی کمائی حاصل نہیں ہوئی بلکہ ایک کامیڈی فلم تھی، جس سے انہوں نے 40 ملین ڈالرز سے زائد کمائے۔آرنلڈ شوارزنیگر نے ایک ٹاک شو میں شرکت کی اور انکشاف کیا کہ ان کی کامیڈی فلم ٹوئینز کیریئر کی سب سے منافع بخش فلم تھی، مجھے اس فلم سے معاوضہ نہیں بلکہ منافع میں حصہ ملا۔

(جاری ہے)

میزبان نے استفسار کیا کہ کیا آپ کو اس فلم سے 20 یا 40 ملین تک ملی تو اداکار نے جواب دیا کہ یہ اس سے بھی زیادہ تھا، یہ میری کسی بھی فلم کی سب سے زیادہ کمائی تھی۔

فلم ٹوئینز سے پہلے آرنلڈ شوارزنیگر کی وجہ شہرت ایکشن فلمز تھیں، جب انہیں کاسٹ کیا گیا تو ہالی ووڈ میں حیرت کی لہر دوڑ گئی، کسی کو بھی ان کی کامیڈی صلاحیتوں پر یقین نہیں آیا۔ہالی ووڈ اداکار نے فلمساز کو آفر کی کہ اگر ہم معاوضہ نہ لیں تو فلم ساڑھے 16 ملین میں بن سکتی ہے، یوں ہمیں فلم کے منافع میں 40 فیصد دیا گیا، یہ بہترین ڈیل ثابت ہوئی۔