معروف ترقی پسند شاعر و افسانہ نگار احمد ندیم قاسمی کی 19 ویں برسی 10 جولائی کو منائی جائے گی

جمعرات 26 جون 2025 19:40

جہانیاں(اُردو پوائنٹ اخبارتازہ ترین - آن لائن۔ 26 جون2025ء)معروف ترقی پسند شاعر و افسانہ نگار احمد ندیم قاسمی کی 19ویں برسی 10جولائی کو منائی جائے گی ۔ احمد ندیم قاسمی کاآٹھ برس قبل 10جولائی 2006ء کو انتقال ہو گیا تھا۔معروف ادیب،افسانہ نگار ،صحافی اور کالم نگاراحمد ندیم قاسمی 20نومبر 1916ء کو پنجاب کے خوبصورت ضلع خوشاب میں پیدا ہوئے ان کا اصل نام احمد شاہ جبکہ ندیم ان کا تخلص تھا۔

انہوں نے بے شمار کتابیں لکھیںادب کی ہر صنف میں طبع آزمائی کی لیکن انہوں نے شاعری اور افسانوں کے حوالے سے ملک گیر شہرت حاصل کی وہ ادبی رسالوں کے علاوہ صحافت سے بھی وابستہ رہے انہوں نے متعدد اخبارات اور رسائل میں بطور مدیر خدمات سرنجام دیں انہوں نے ملک کے معروف اخبارات میں کالم نگاری کے ذریعے معاشرے میں پائی جانے والی برائیوں کی بھرپور انداز میں عکاسی کی ۔

(جاری ہے)

وہ پچاس سے زائد کتب کے مصنف تھے ان کا شمار فیض احمد فیض ،ساحر لدھیانوی ، اور کرشن چندر جیسے اہم شعراء کرام اور ادیبوںمیں ہوتا ہے ان کے شعری مجموعوں میںشعلہ گل،لوح خاک،محیط، دشت وفا ،جلال وجمال،رم جھم جبکہ افسانوی مجموعوں میں چوپال،سناٹا،گھر سے گھر تک،برگ حناء،گرداب،سیلاب،آنچل،آبلے،آس پاس اور درودیوار قابل ذکر ہیں احمد ندیم قاسمی 10جولائی 2006ء کو 90برس کی عمر میں انتقال کر گئے تھے۔احمد ندیم قاسمی کو تمغہ حسن کارکردگی اور ستارہ امتیاز سے بھی نوازا جا چکا ہے۔