حیدرآباد ، گلی میں کھیلنے سے منع کیوں کیا؟7 سالہ بچہ درخواست لیکر تھانے میں پہنچ گیا،2 خواتین کیخلاف رپورٹ درج کرادی

محلے کی 2 خواتین رانیہ اور مونی محلے کی گلیوں میں کھیلنے نہیں دیتی اور انہیں بھگا دیتی ہیں، اپنے گھر کی گلی میں نہ کھیلیں تو کہاں جائیں،ایاز، کمسن بچے کی شکایت کے ازالے کیلئے پولیس افسر کو پابند کردیا ہے، ایس ایچ او

فیصل علوی جمعہ 27 جون 2025 11:48

حیدرآباد ، گلی میں کھیلنے سے منع کیوں کیا؟7 سالہ بچہ درخواست لیکر تھانے ..

حیدر آباد(اردوپوائنٹ اخبار تازہ ترین۔27جون 2025)گلی میں کھیلنے سے منع کیوں کیا؟ حیدر آباد کا7 سال کا بچہ کھیلنے سے منع کرنے کی درخواست لیکر تھانے میں پہنچ گیا اور2خواتین کیخلاف رپورٹ درج کروا دی، ایاز کا کہنا تھا کہ اسے 2 خواتین رانیہ اور مونی محلے کی گلیوں میں کھیلنے نہیں دیتی اور انہیں بھگا دیتی ہیں، پولیس کے مطابق حیدرآباد کے علاقے چوڑی پاڑہ کا رہائشی 7 سالہ ایاز صدیقی سخی پیر تھانے پہنچ گیا جہاں اس نے 2 خواتین کے خلاف رپورٹ درج کرائی ہے۔

درخواست گزار بچے کا کہنا ہے کہ اپنے گھر کی گلی میں نہ کھیلیں تو کہاں جائیں۔پولیس کے مطابق سخی پیر تھانے میں ایاز نے تنہاگلی میں کھیلنے سے منع کرنے پر رپورٹ درج کروائی ہے۔درخواست گزار بچے کاکہنا تھا کہ ہم معصوم بچے صرف گلی کھیلتے میں اس میں کسی کو اعتراض نہیں ہونا چاہئے۔

(جاری ہے)

جب بھی ہم کھیلنے گلی میں آتے ہیں تو دونوں خواتین ہم ڈانٹ ڈپٹ کر بھگا دیتی ہیں۔

ایس ایچ او سخی پیر پولیس اسٹیشن کا کہنا ہے کہ کمسن بچے کی شکایت کے ازالے کیلئے پولیس افسر کو پابندکردیا ہے۔ایس ایچ او کا یہ بھی کہنا ہے کہ بچے کو تسلی کروائی گئی کہ اس کا مسئلہ جلد حل کیا جائیگا۔واضح رہے کہ اس سے قبل گلی میں کھیلنے سے منع کرنے پر بچوں کی لڑائی میں بڑے کود پڑے تھے۔ بتایا گیا تھا کہ تھانہ سہالہ کی حدود میں واقع گاؤں پیر سوہاوہ میں بچوں کی لڑائی میں بڑے کود پڑے تھے اورفائرنگ سے 3افراد قتل جبکہ 5زخمی ہوگئے تھے۔

بچوں کے درمیان کھیلتے ہوئے کسی معمولی سی بات پر جھگڑا ہوا تھا اور بات بڑھتے بڑھتے بڑوں تک پہنچی اور بڑوں نے بھی بچوں میں صلح کرنے کی بجائے خود اسلحہ لئے پہنچ گئے تھے اور فائرنگ شروع کر دی تھی۔مسلح تصادم کے نتیجے میں تین افراد قتل،پانچ زخمی ہوگئے تھے۔لاشوں اور زخمیوں کو ہسپتال منتقل کر دیا گیا تھا۔پولیس کے مطابق افسوسناک واقعہ میں جاں بحق افراد کی شناخت غلام مصطفیٰ،پرویز اور زبیر اقبال کینام سے ہوئی تھی۔