اسرائیلی فوج کا لبنان میں حزب اللہ کے ایک فوجی عہدیدار کو قتل کرنے کا اعلان

اتوار 29 جون 2025 11:05

بیروت (اُردو پوائنٹ اخبارتازہ ترین - این این آئی۔ 29 جون2025ء)لبنان کی وزارت صحت کے مطابق ہفتے کے روز جنوبی لبنان میں دو اسرائیلی فضائی حملوں میں تین افراد مارے گئے جب کہ اسرائیلی فوج نے حزب اللہ کے ایک عہدیدار کو قتل کرنے کا اعلان کیا ہے۔

(جاری ہے)

عرب ٹی وی کے مطابق کونین قصبے میں ایک کار کو نشانہ بنانے والے فضائی حملے میں ایک شخص جاں بحق ہو گیا۔ جنوبی لبنان کے قصبے مہرونا میں موٹر سائیکل پر سوار دو افراد کے مارے جانے کی اطلاع ملی ہے۔ لبنانی وزارت صحت نے ایک بیان میں کہا ہے کہ کونین قصبے میں ایک کار پر اسرائیلی دشمن کے ڈرون حملے کے نتیجے میں ایک شخص جاں بحق اور ایک زخمی ہوا۔