ایف آئی ایچ، مینز جونیئر ہاکی ورلڈ کپ، 24 ٹیمز 6 پولز میں تقسیم

پاکستان اور بھارت کی ٹیمیں ایک ہی پول میں رکھی گئی ہیں ‘ چلی اور سوئٹرز لینڈ کی ٹیمیں بھی شامل

اتوار 29 جون 2025 11:15

کراچی (اُردو پوائنٹ اخبارتازہ ترین - این این آئی۔ 29 جون2025ء)انٹرنیشنل ہاکی فیڈریشن (ایف آئی ایچ) نے مینز جونیئر ہاکی ورلڈ کپ کے پولز کا اعلان کردیا۔ایف آئی ایچ نے جونیئر ہاکی ورلڈ کپ 2025ء کی 24 ٹیموں کو 6 پولز میں تقسیم کیا ہے، پولز کے ڈراز لوزین میں ہوئے۔

(جاری ہے)

پاکستان اور بھارت کی ٹیمیں ایک ہی پول میں رکھی گئی ہیں جبکہ اس گروپ بی میں چلی اور سوئٹرز لینڈ کی ٹیمیں بھی شامل ہیں۔

گروپ اے میں جرمنی، جنوبی افریقا، کینیڈا اور آئرلینڈ کی ٹیمیں شامل ہیں۔گروپ سی نیوزی لینڈ، چین، جاپان اور ارجنٹینا جبکہ گروپ ڈی میں اسپین، بلیجیم، مصر اور نمبیبیا کی ٹیمیں شامل ہیں۔گروپ ای میں آسٹریا، انگلینڈ، نیدرلینڈز اور ملائیشیا جبکہ گروپ ایف میں آسٹریلیا، کوریا، بنگلادیش اور فرانس کی ٹیمز شامل ہیں۔