سیکرٹری سپورٹس یوتھ اینڈ کلچر سے آزاد جموں و کشمیر کے کوہ پیماہ راجہ ولید نثار کی ملاقات

منگل 1 جولائی 2025 13:50

مظفر آباد(اُردو پوائنٹ اخبارتازہ ترین - این این آئی۔ 01 جولائی2025ء)سیکرٹری سپورٹس یوتھ اینڈ کلچرتہذیب النساء سے آزاد جموں و کشمیر کی تاریخ کے پہلے کوہ پیماہ راجہ ولید نثار نے ان کے آفس چیمبر میں ملاقات کی۔اس موقع پرڈائریکٹر جنرل ملک شوکت حیات خان، ڈائریکٹرمحمد نعمت اللہ خان، ڈپٹی ڈائریکٹر سپورٹس افتخار صادق، اسسٹنٹ ڈائریکٹر مظفرآباد سہراب اسلم بھی موجود تھے۔

سیکرٹری سپورٹس یوتھ اینڈ کلچر کو ولید نثار نے ملاقات کے دوران بتایا کہ وہ اس دفعہ بھی جی_2 (8035)میٹر بلند چوٹی قراقرم رینج جون تا اگست 2025 کو سر کرنے کا ارادہ ہے چونکہ اس پروفیشن پر خطیر رقم کی ضرورت ہوتی ہی.اس حوالے سے سپانسرشپ کے لئے کوشاں ہوں اور وہ امید کرتے ہیں کہ محکمہ سپورٹس یوتھ اینڈ کلچر ان کی ضروری مالی معاونت کرے گا۔

(جاری ہے)

اس سے قبل ولید نثارنے 2021میں رش پیک سر کی جس کی بلندی 5098میٹر تھی۔

2022میں شگر ویلی میں خسر گنگ چوٹی سر کی جس کی بلندی 6028میٹر تھی۔ 2024سے ا سپانٹک چوٹی سر کی جس کی بلندی 7027میٹر تھی۔ولید نثار 7027میٹر چوٹی سر کرنے والے آزادکشمیر کے پہلے نوجوان ہیں۔ اس موقع پر سیکرٹری سپورٹس یوتھ اینڈ کلچر نے کہا کہ ولید نثار آزادکشمیر کے ہیرو ہیں اور ان کی اس شعبہ میں خدمات قابل فخر ہیں.اور آپ کو اس کوہ پیمائی کے شعبے میں مزید آگے بڑنے کے لیے حکومت آزادکشمیر کشمیر بھر پور مدد کر گی۔ملاقات کے اختتام پر سیکرٹری سپورٹس یوتھ اینڈ کلچر نے ولید نثار کو پرائیڈ آف کشمیر کے سرٹیفکیٹ سے نوازا۔