راولپنڈی،منشیات کے مقدمہ میں مجرم ثناء اللہ کو 9 سال قید ، 80 ہزار جرمانہ

منگل 1 جولائی 2025 22:23

راولپنڈی(اُردو پوائنٹ اخبارتازہ ترین - این این آئی۔ 01 جولائی2025ء)راولپنڈی پولیس کی موثر پولیسنگ کے باعث منشیات کے مقدمہ میں مجرم ثناء اللہ کو 9 سال قید اور 80 ہزار روپے جرمانے کی سزا سنادی گئی۔

(جاری ہے)

تفصیلات کے مطابق معزز عدالت نے منشیات کے مقدمہ میں مجرم کو سزا سنا دی، مجرم ثناء اللہ کو 9 سال قید اور 80 ہزار روپے جرمانے کی سزا سنائی گئی، مجرم سے 1 کلو 730 گرام چرس برآمد ہونے پر مندرہ پولیس نے ستمبر 2024 میں گرفتار کیا تھا، ٹھوس شواہد اور موثر پیروی کے پیش نظر معزز عدالت نے مجرم کو قرار واقعی سزا سنائی، سی پی او سید خالد ہمدانی کی ایس ایس پی انوسٹیگیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔