راولپنڈی،منشیات کے مقدمات میں مجرمان کو 18سال قید ، 1 لاکھ 60 ہزار جرمانہ

منگل 1 جولائی 2025 22:23

راولپنڈی(اُردو پوائنٹ اخبارتازہ ترین - این این آئی۔ 01 جولائی2025ء)راولپنڈی پولیس کی موثر پولیسنگ کے باعث منشیات کے مقدمات میں مجرمان کو مجموعی طور پر 18سال قید اور 1 لاکھ 60 ہزار جرمانے کی سزا سنادی گئی۔

(جاری ہے)

تفصیلات کے مطابق معزز عدالت نے منشیات کے مقدمات میں مجرمان کو سزائیں سنا دیں،مجرم سلیم خان کو 9 سال قید اور 80 ہزار روپے جرمانے کی سزا سنائی گئی، مجرم سے 1 کلو 200 گرام چرس برآمد ہونے پر صدر واہ پولیس نے مئی 2024 میں گرفتار کیا تھا، مجرم بلال کو 9 سال قید اور 80 ہزار روپے جرمانے کی سزا سنائی گئی، مجرم سے 1کلو 600 گرام چرس برآمد ہونے پر صدر واہ پولیس نے جنوری 2024 میں گرفتار کیا تھا،ٹھوس شواہد اور موثر پیروی کے پیش نظر معزز عدالت نے مجرمان کو قرار واقعی سزائیں سنائیں، سی پی او سید خالد ہمدانی نے ایس ایس پی انوسٹیگیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔