راولپنڈی کی عدالتوں میں منشیات کے مقدمات میں نامزد تین مجرمان کو نو، نو سال قید کی سزا

منگل 1 جولائی 2025 20:10

راولپنڈی (اُردو پوائنٹ اخبارتازہ ترین - اے پی پی۔ 01 جولائی2025ء) راولپنڈی کی عدالتوں نے منشیات کے تین الگ الگ مقدمات میں نامزد مجرمان کو جرم ثابت ہونے پر نو، نو سال قید کی سزا سنا دی ہے ۔

(جاری ہے)

منگل کو ضلعی عدالتوں نے فیصلے سناتے ہوئے مجرم ثناء اللہ کو 9 سال قید اور 80 ہزار روپے جرمانے کی سزا سنائی، مجرم سے 1 کلو 730 گرام چرس برآمد ہونے پر مندرہ پولیس نے ستمبر 2024 میں گرفتار کیا تھا،مجرم سلیم خان کو 9 سال قید اور 80 ہزار روپے جرمانے کی سزا سنائی گئی، مجرم سے 1 کلو 200 گرام چرس برآمد ہونے پر صدر واہ پولیس نے مئی 2024 میں گرفتار کیا تھا، مجرم بلال کو 9 سال قید اور 80 ہزار روپے جرمانے کی سزا سنائی گئی، مجرم سے 1کلو 600 گرام چرس برآمد ہونے پر صدر واہ پولیس نے جنوری 2024 میں گرفتار کیا تھا۔