qورلڈ ٹیسٹ چیمپئن شپ فائنل نے ماضی کے سارے ریکارڈ توڑ دیے

ا*لارڈز فائنل: انڈیا کے بغیر سب سے زیادہ دیکھا گیا ٹیسٹ میچ بن گیا

بدھ 2 جولائی 2025 20:25

ث* لارڈز(اُردو پوائنٹ اخبارتازہ ترین - آن لائن۔ 02 جولائی2025ء) آئی سی سی ورلڈ ٹیسٹ چیمپئن شپ (ڈبلیو ٹی سی)کے فائنل کی ٹیلی ویژن اور ڈیجیٹل پلیٹ فارمز پر نشریات نے ماضی کے سارے ویوورشپ ریکارڈ توڑ دیے۔لارڈز کے تاریخی میدان میں 11 سے 14 جون تک کھیلا گیا فائنل اسٹار اسپورٹس نیٹورک پر انڈیا کے بغیر کھیلے گئے ٹیسٹ میچز میں سب سے زیادہ دیکھا جانے والا ٹیسٹ بن گیا۔

آفیشل اعداد و شمار کے مطابق ٹی وی پر فائنل کے 2.94 ارب منٹ دیکھے گئے جبکہ بھارت میں یہ فائنل 4 کروڑ 70 لاکھ افراد نے دیکھا۔

(جاری ہے)

ڈیجیٹل پلیٹ فارمز پر بھی ٹیسٹ چیمپئن شپ فائنل کو 22 کروڑ 50 لاکھ افراد نے دیکھا۔ یہ تعداد 2023 میں آسٹریلیا اور انڈیا کے درمیان اوول میں کھیلے گئے ٹیسٹ چیمپئن شپ کے دوسرے سائیکل کے فائنل کے برابر ہے۔جبکہ لارڈز کرکٹ گرانڈ میں مجموعی طور پر 1 لاکھ 9 ہزار 227 افراد نے شرکت کی۔آئی سی سی چیئرمین جے شاہ نے فائنل کے اس تعداد میں دیکھے جانے کو ٹیسٹ کرکٹ کی دیرپا مقبولیت قرار دیا۔واضح فائنل میں جنوبی افریقا نے چوتھی اننگز میں ایڈن مارکرم کے شاندار 136 رنز کی بدولت آسٹریلیا کو پانچ وکٹوں سے شکست دے کر 27 برس کوئی آئی سی سی ٹائٹل نام کیا ہے۔