آئی جی پنجاب کی ہدایت پر محکمانہ ترقیوں کا عمل جاری

ایڈیشنل آئی جی پنجاب کی زیر صدارت پروموشن بورڈ کا اجلاس 19 اسسٹنٹس کو سپرنٹنڈنٹ کے عہدے پر ترقی دے دی گئی‘ ترجمان پنجاب پولیس

جمعرات 3 جولائی 2025 23:05

لاہور (اُردو پوائنٹ اخبارتازہ ترین - این این آئی۔ 03 جولائی2025ء)انسپکٹر جنرل پولیس پنجاب ڈاکٹر عثمان انور کی ہدایت پر محکمانہ ترقیوں کا عمل جاری ہے جس کے تسلسل میں اسسٹنٹس سے سپرنٹنڈنٹ کے عہدے پر ترقی کے لیے پروموشن بورڈ کا اجلاس ایڈیشنل آئی جی پنجاب سلطان احمد چوہدری کی زیر صدارت سنٹرل پولیس آفس میں منعقد ہوا۔ اجلاس میں ڈی آئی جی اسٹیبلشمنٹ ٹو لیاقت علی ملک، اے آئی جی ایڈمن اسد اعجاز ملہی، رجسٹرار حمیر احمد قریشی اور اے ڈی ایڈمن احمد نوید ملک موجود تھے۔

ترجمان پنجاب پولیس نے بتایا کہ قواعد و ضوابط اور میرٹ پر پورا اترنے والے 19 اسسٹنٹس کو سپرنٹنڈنٹ کے عہدے پر ترقی دے دی گئی۔اے آئی جی ایڈمن اینڈ سکیورٹی اسد اعجاز ملہی نے ترقی کا نوٹیفکیشن جاری کردیا۔

(جاری ہے)

ترقی پانے والے افسران پولیس کی مختلف فیلڈ فارمیشنز اور اضلاع میں خدمات سر انجام دے رہے ہیں۔آئی جی پنجاب ڈاکٹر عثمان انور نے ترقی پانے والے اسسٹنٹس کو مبارکباد اور مزید تندہی سے فرائض ادائیگی کی ہدایت کی۔

ترقی پانیوالوں میںابرار حسین، سمیع احمد، میثم رضا، نجم الحسن، لبیب احسن ،مریم عرفان، اظہر عباس، رفاقت علی، طاہر علی، وقار یونس، محمد ساجد، سجاد اکبر، ساجدہ فردوس، یاسمین قیوم، طہورہ بی بی، فرہان نول،، نیلمہ فاروق، مقصود عالم اور راؤ ساجد سلیم شامل ہیں۔