وزیراعلیٰ علی امین کے خلاف عدم اعتماد میں آزاد ارکان ووٹ دے سکتے ہیں

اگر عدم اعتماد میں آزاد ارکان ووٹ دیتے ہیں تو یہ قانونی طور پر درست ہوگا، پی ٹی آئی کے پاس خیبرپختونخواہ کا مینڈیٹ ہے لیکن وہاں کیا کارکردگی دکھائی؟رہنماء پیپلزپارٹی شرمیلا فاروقی

ثنااللہ ناگرہ جمعرات 3 جولائی 2025 21:10

وزیراعلیٰ علی امین کے خلاف عدم اعتماد میں آزاد ارکان ووٹ دے سکتے ہیں

اسلام آباد ( اردوپوائنٹ اخبار تازہ ترین۔ آئی پی اے ۔ 03 جولائی 2025ء ) رہنماء پیپلزپارٹی شرمیلا فاروقی نے کہا ہے کہ وزیراعلیٰ علی امین کے خلاف عدم اعتماد میں آزاد ارکان ووٹ دے سکتے ہیں،اگر عدم اعتماد میں آزاد ارکان ووٹ دیتے ہیں تو یہ قانونی طور پر درست ہوگا۔انہوں نے اے آروائی نیو زکے پروگرام میں گفتگو کرتے ہوئے کہا کہ وزیراعلیٰ علی امین کے خلاف عدم اعتماد میں آزاد ارکان ووٹ دے سکتے ہیں، اگر عدم اعتماد میں آزاد ارکان ووٹ دیتے ہیں تو یہ قانونی طور پر درست ہوگا، پی ٹی آئی کے پاس خیبرپختونخواہ کا مینڈیٹ ہے لیکن وہاں کیا کارکردگی دکھائی؟پارا چنار میں روڈ بند ہونے سے بچوں کی اموات ہوئیں، پار چنار میں 150 دنوں تک روڈ بند رہی وہاں بچوں کی اموات ہوئیں۔

خیبرپختونخواہ حکومت نے سڑک کھلوانے کیلئے کوئی اقدام نہیں کیا۔

(جاری ہے)

پی ٹی آئی کی وجہ صرف گالم گلوچ اور وفاقی حکومت پر دھاوا بولنے پر ہوتی ہے۔ دریائے سوات میں لوگوں کی اموات ہوئی یہ دردناک منظر تھا۔ اسی طرح ن لیگ کے رہنماء سینیٹر افنان اللہ نے کہا کہ پی ٹی آئی صوبائی حکومت مکمل طور پر ناکام ہوچکی ہے۔ پی ٹی آئی نے ہمیشہ سیاست میں تشدد کو استعمال کیا، پی ٹی اائی رہنماء دھمکیاں دیتے ہیں لیکن پرتشدد رویہ کسی کیلئے اچھا نہیں ہے۔

دوسری جانب پروگرام میں پی ٹی آئی رہنماء عمیر خان نیازی نے کہا کہ خیبرپختونخواہ میں ایسی صورتحال نہیں کہ وہاں لشکر کشی کی جائے۔ایسی حکومت ہو جس کا عوام کے اندر رابطہ نہ ہوتو پھر نقصانات ہوتے ہیں۔ یاد رہے گزشتہ روز وزیراعلیٰ خیبرپختونخوا علی امین گنڈاپور نے نیوزکانفرنس میں کہا تھا کہ چیلنج کرتا ہوں خیبرپختونخواہ حکومت گرا کر دکھائیں، اگر حکومت گرگئی تو میں سیاست چھوڑ دوں گا ، آئینی طریقے سے ہماری حکومت نہیں گرائی جاسکتی، گورنر راج لگانا ہے تو لگا کر دیکھیں، پی ٹی آئی میں دراڑ پیدا کرنا مخالفین کی بھول ہے۔