پنجاب کونسل آف دی آرٹس کے زیرِ اہتمام محرم الحرام کے تقدس میں ادبی بیٹھک

ہفتہ 5 جولائی 2025 02:10

راولپنڈی (اُردو پوائنٹ اخبارتازہ ترین - اے پی پی۔ 05 جولائی2025ء) پنجاب کونسل آف دی آرٹس راولپنڈی کے زیرِ اہتمام محرم الحرام کے تقدس میں ایک روح پرور ''محفلِ مسالمہ'' ادبی بیٹھک میں منعقد کی گئی۔ اس محفل کا مقصد واقعہ کربلا کی یاد تازہ کرتے ہوئے شہدا کی عظیم قربانیوں کو خراجِ عقیدت پیش کرنا اور نوجوان نسل کو اہلِ بیت کی تعلیمات سے روشناس کرانا تھا۔

معروف شعراء کرام نے اپنے مخصوص انداز میں محرم الحرام اور شہداء کربلا کی دین کی سربلندی کے لیے نواسہ رسول ﷺ اور ان کے ساتھیوں کی عظیم قربانیوں کوخراجِ عقیدت پیش کیا۔ محفل کی صدارت منظر نقوی نے کی جبکہ خصوصی مہمانوں میں محترم مومن خان مومن (براڈکاسٹر) سمیت شہر کے ممتاز ادباء، شعراء، دانشور اور اہلِ ذوق افراد کی بڑی تعداد شرکت کی۔

(جاری ہے)

ڈائریکٹر آرٹس کونسل محمد شکور نے تمام معزز مہمانوں کا شکریہ ادا کیا اور کہا کہ کربلا کاواقعہ سے ہمیں صبر استقامت اور ایثار کے جذبہ کا درس ملتا ہے۔ضرورت اس امر کی ہے کہ نوجوان نسل کو بھی اسلامی تاریخ سے روشناس کرایا جائے اور نواسہ رسولﷺ اور ان کے ساتھیوں کی حق کی خاطر ڈٹ کر مقابلہ کر کے جذبہ ایثار سے روشاس کرایا جائے۔ اس محفل میں درودو سلام کے نذرانے بھی عقیدت کے ساتھ پیش کئے گئے۔محفل کے اختتام پر لنگر اورنیاز حسین تقسیم کی گئی۔اس علاوہ شربت کی سبیل بھی لگائی گئی۔نظامت کے فرائض ناصر علی ناصر نے سرانجام دئیے۔