برطانیہ میں فلسطین ایکشن گروپ پر پابندی لگ گئی

فلسطین ایکشن گروپ کو دہشت گرد گروپ قرار دیا گیا، اس کی رکنیت یا حمایت پر 14 برس تک کی سزا ہوسکے گی

ہفتہ 5 جولائی 2025 22:58

لندن(اُردو پوائنٹ اخبارتازہ ترین - آن لائن۔ 05 جولائی2025ء)لندن اسرائیلی حکومت کے ایک ترجمان کا کہنا ہے کہ حماس کی تجاویز باضابطہ طور پر ثالثوں کے ذریعے اسرائیل تک پہنچائی گئیںبرطانیہ میں فلسطین ایکشن گروپ پر پابندی لگ گئی۔غیرملکی میڈیا کے مطابق فلسطین ایکشن گروپ کو دہشت گرد گروپ قرار دیا گیا، اس کی رکنیت یا حمایت پر 14 برس تک کی سزا ہوسکے گی۔

(جاری ہے)

ہائی کورٹ نے فلسطین ایکشن کو دہشت گرد قرار دینے کے فیصلے کو عارضی طور پر روکنے کی درخواست رد کردی تھی، گروپ نے فیصلے کو کورٹ آف اپیل میں چیلنج کیا لیکن آخری لمحات میں اپیل مسترد ہوگئی۔میڈیا رپورٹ کے مطابق فلسطین ایکشن کے دعوے کے مطابق گزشتہ ماہ رائل ایئر فورس کے دو طیاروں کو 7 ملین پاؤنڈ کا نقصان پہنچانے پر یہ فیصلہ کیا گیا۔اس حوالے سے میڈیا رپورٹ میں یہ بھی کہا گیا ہے کہ رائل ایئر فورس بیس پر دو طیاروں کو نقصان پہنچانے کی فرد جرم 4 افراد پر عائد کی جاچکی ہے۔میڈیا رپورٹ کے مطابق برطانیہ میں ٹیررازم ایکٹ 2000 کے تحت تقریباً 81 تنظیمیں کالعدم ہیں جن میں حماس، القاعدہ اور نیشنل ایکشن شامل ہیں۔