ایم کیو ایم پاکستان کے چیئرمین ڈاکٹر خالد مقبول صدیقی کا یوم عاشورہ کے موقع پر پیغام

نواسہ رسول ﷺ امام حسین نے اپنے اہل خانہ اور خاندان کو دین اسلام کی سر بلندی کی خاطر قربان کر دیا لیکن یزیدیت کے آگے سر نہیں جھکایا،خالدمقبول صدیقی

ہفتہ 5 جولائی 2025 23:05

ایم کیو ایم پاکستان کے چیئرمین ڈاکٹر خالد مقبول صدیقی کا یوم عاشورہ ..

کراچی(اُردو پوائنٹ اخبارتازہ ترین - این این آئی۔ 05 جولائی2025ء)متحدہ قومی موومنٹ پاکستان کے چیئرمین ڈاکٹر خالد مقبول نے یوم عاشورہ کے موقع پر عوام کو پیغام دیتے ہوئے کہا کہ نواسہ رسول ﷺ حضرت امام حسین نے اپنے اہل خانہ اور خاندان کو دین اسلام کی سر بلندی کی خاطر قربان کر دیا لیکن یزیدیت کے آگے سر نہیں جھکایا محرم الحرام حرمت والا مہینہ ہے اور یہ مہینہ انسانی تاریخ میں عظیم قربانیوں سے عبارت ہے اور ملت اسلامیہ پرمحرم الحرام کا احترام ہر حال میں لازم ہے۔

(جاری ہے)

انہوں نے کہا کہ یوم عاشورہ کے موقع پر ہمیں اپنی زندگیوں کو حقیقی معنوں میں حضرت سیدنا امام حسین ؓکے طرزِ زندگی پر عمل پیرا ہو کر انسان دنیا اور آخرت میں کامیابی حاصل کر سکتے ہیں واقعہ کربلا کی روشنی میں ہی ہم اپنے معاشرے میں ظلم و زیادتی اور نا انصافیوں کے خلاف سینہ سپر ہو کر مظلوم اور حق کا ساتھ دیا جائے۔ ڈاکٹر خالد مقبول صدیقی نے مزید کہا کہ واقعہ کربلا دین کی سر بلندی کیلیے اپنا سب کچھ نچھاور کر دینے کا درس دیتا ہے۔ حضرت امام حسین اور ان کے ساتھیوں کی میدان کربلا میں دی گئی لازوال قربانیاں ہمارے لیے مشعل راہ ہیں اور انکی کی تعلیمات پر عمل پیرا ہو کر محبت اہلبیت کا ثبوت دیں۔