بھارت کا مشہور اور تاریخی فلمی اسٹوڈیو 183 کروڑ بھارتی روپے میں فروخت کردیا گیا

فلم اسٹوڈیو میں اپنے زمانے کی مشہور فلموں کی شوٹنگز ہوئی ہیں اور اس کا شمار ممبئی کے بڑے اسٹوڈیوز میں ہوتا تھا

پیر 7 جولائی 2025 12:14

بھارت کا مشہور اور تاریخی فلمی اسٹوڈیو 183 کروڑ بھارتی روپے میں فروخت ..

ممبئی (اُردو پوائنٹ اخبارتازہ ترین - این این آئی۔ 07 جولائی2025ء)بھارت کا مشہور اور تاریخی فلمستان اسٹوڈیو 183 کروڑ بھارتی روپے میں فروخت کردیا گیا۔فلمستان اسٹوڈیو کو 1943 میں اداکار اشوک کمار اور ششدر مکھرجی نے مل کر ممبئی میں بنایا تھا، ششدر مکھر جی اداکارہ کاجول اور رانی مکرجی کے دادا تھے۔اس فلم اسٹوڈیو میں اپنے زمانے کی مشہور فلموں کی شوٹنگز ہوئی ہیں اور اس کا شمار ممبئی کے بڑے اسٹوڈیوز میں ہوتا تھا۔

(جاری ہے)

فلمستان میں فلم ’چل چل رے نوجوان‘، ’شکاری‘، ’دو بھائی‘، ’ندیا کے پار‘، ’جگریتی‘، ’ناگن‘، ’تم سا نہیں دیکھا‘، ’انارکلی‘، ’شہید‘، ’دل والے دلہنیا لے جائیں گے‘ سمیت کئی فلموں، ٹی وی ڈراموں اور اشتہارات کی شوٹنگز ہوئیں۔ تاہم اب یہ 4 ایکڑ پر پھیلے اسٹوڈیو کو 183 کروڑ بھارتی روپے میں فروخت کردیا گیا اور مقامی رئیل اسٹیٹ کمپنی نے یہ زمین خرید لی ہے۔

رپورٹس کے مطابق اسٹوڈیو کی جگہ 50 منزلہ لگژری اپارٹمنٹس بنائیں جائیں گے اور اس منصوبے کی مالیت 3000 کروڑ بھارتی روپے لگائی گئی ہے۔دوسری جانب ال انڈین سائن ورکرز ایسوسی ایشن نے فلمستان اسٹوڈیو کو فروخت کرنے پر ناراضی کا اظہار کیا ہے اور مہاراشٹرا کے وزیراعلیٰ سے ڈیل کینسل کرنے اور اسٹوڈیو نہ توڑنے کی اپیل کی ہے۔