6ارب ڈالر کے ریفائنری منصوبوں کی بحالی کیلئے توانائی کے شعبے میں اہم پیشرفت

توانائی کے شعبے میں استحکام کیلئے ایس آئی ایف سی کی بران فیلڈ ریفائنری پالیسی میں ترمیم کی ہدایت حکومت توانائی کے شعبے میں مالی مراعات اور پالیسی اصلاحات کے ذریعے جدیدیت کیلئے پرعزم ہے،رپورٹ

پیر 7 جولائی 2025 16:29

6ارب ڈالر کے ریفائنری منصوبوں کی بحالی کیلئے توانائی کے شعبے میں اہم ..

اسلام آباد(اُردو پوائنٹ اخبارتازہ ترین - این این آئی۔ 07 جولائی2025ء)ایس آئی ایف سی کے تحت توانائی کے شعبے میں اہم پیشرفت ہوئی ہے جس میں 6ارب ڈالر کے ریفائنری منصوبوں کی بحالی ممکن بنائی جائے گی۔رپورٹ کے مطابق توانائی کے شعبے میں استحکام کیلئے ایس آئی ایف سی کی بران فیلڈ ریفائنری پالیسی میں ترمیم کی ہدایت کی گئی ہے۔ سیلز ٹیکس میں اصلاحات، پیٹرولیم مصنوعات کی سمگلنگ اور ڈیزل کی درآمدات پر قابو پانے کیلئے اقدامات پر غور کیا جا رہا ہے۔

پالیسی ترمیم کا مقصد براون فیلڈ ریفائنریز میں 6ارب ڈالر کی سرمایہ کاری کے ذریعے منصوبوں کی بحالی ممکن بنانا ہے۔ ریفائنریز کو 7سال کے لیے ٹیکس پالیسی میں استحکام کی ضمانت پر غور اور سرمایہ کاروں کے اعتماد میں نمایاں اضافہ متوقع ہے۔

(جاری ہے)

ٹیکس پالیسی میں اصلاحات کی بدولت معیار ی ایندھن کی پیداوار کیلئے ریفائنریز کی اپ گریڈیشن کی راہ ہموار ہوگی۔

ایس آئی ایف سی کی کوششوں سے حکومت اور نجی شعبے کے درمیان موثر رابطہ قائم ہوگئے جس سے پالیسی پر عمل درآمد میں بہتری آ رہی ہے۔حکومت توانائی کے شعبے میں مالی مراعات اور پالیسی اصلاحات کے ذریعے جدیدیت کیلئے پرعزم ہے۔ ایس آئی ایف سی کی معاونت سے توانائی منصوبوں میں پیشرفت ملکی معیشت میں استحکام اور دیرپا ترقی کی بنیاد بنے گی۔