سال 2025ء کا پہلا سپر مون 7اکتوبر کو ہوگا

چاند زمین کے قریب ترین فاصلے پر پہنچ کر عام دنوں سے 14فیصد بڑا ،30فیصد زیادہ روشن دکھائی دیگا

جمعہ 3 اکتوبر 2025 22:19

سال 2025ء کا پہلا سپر مون 7اکتوبر کو ہوگا

لاہور(اُردو پوائنٹ اخبارتازہ ترین - این این آئی۔ 03 اکتوبر2025ء)فلکیاتی ماہرین کے مطابق سال 2025ء کا پہلا سپر مون 7اکتوبر کو آسمان پر جلوہ گر ہوگا، جو شائقینِ فلکیات کے لیے ایک شاندار مظاہرہ پیش کرے گا۔ اس روز چاند زمین کے قریب ترین فاصلے پر پہنچ کر عام دنوں سے 14فیصد بڑا اور 30فیصد زیادہ روشن دکھائی دے گا۔ماہرین فلکیات کے مطابق جب چاند اپنی بیضوی مدار میں زمین کے سب سے قریب آ جاتا ہے تو وہ عام دنوں کے مقابلے میں بڑا اور زیادہ روشن دکھائی دیتا ہے۔

اسی کو سپر مون کہا جاتا ہے۔

(جاری ہے)

7اکتوبر 2025ء کا سپر مون ہنٹرز مون بھی کہلاتا ہے، کیونکہ قدیم زمانوں میں یہ وقت شکار اور سردیوں کی تیاری سے جڑا ہوا تھا۔ اسی مہینے کا فل مون ہارویسٹ مون بھی کہلاتا ہے کیونکہ اس کی روشنی کھیتوں کی کٹائی کے دوران کسانوں کے لیے مددگار ثابت ہوتی تھی۔سال 2025ء میں مجموعی طور پر تین سپر مون ہوں گے۔ پہلا سپر مون اس ماہ 7 اکتوبر کو ہوگا، جب چاند زمین کے نسبتاًقریب آ کر بڑا اور روشن دکھائی دے گا۔بلڈ مون چاند کے سرخ روپ کا شاندار نظارہ پاکستان سمیت دنیا کے بڑے حصے میں دیکھا جاسکے گا۔اس کے بعد دوسرا سپر مون 5نومبر کو نظر آئے گا جو سب سے زیادہ روشن سپر مون ہوگا، جبکہ تیسرا سپر مون 5 دسمبر کو آسمان کو مزید دلکش بنا دے گا۔