کراچی کے قبرستانوں کو رجسٹرڈ کرنے کا فیصلہ

بلدیہ عظمی کراچی کے قبرستانوں میں قبر کے نرخ 14300 روپے مقرر کیے گئے ہیں

پیر 7 جولائی 2025 17:50

کراچی کے قبرستانوں کو رجسٹرڈ کرنے کا فیصلہ

کراچی (اُردو پوائنٹ اخبارتازہ ترین - این این آئی۔ 07 جولائی2025ء)میئر کراچی مرتضی وہاب نے شہر کے قبرستانوں کو رجسٹرڈ کرنے کا فیصلہ کر لیا ہے۔کراچی میں قبرستانوں کی تعداد 200 سے زائد ہیں جبکہ بلدیہ عظمی کراچی کے ماتحت قبرستانوں کی تعداد 38 ہے۔میئر کراچی مرتضی وہاب نے ہدایت کی کہ شہر میں موجود تمام قبرستانوں کو رجسٹرڈ کریں۔

(جاری ہے)

انہوں نے ہدایت کی کہ شعبہ قبرستان (میونسپل سروسز)بلدیہ عظمی کراچی سے اپنی سالانہ تجدید کروانے کے سلسلے میں بلامعاوضہ فارم حاصل کر لیں اور جو نئے رجسٹریشن برائے سال 2025 کروانا چاہتے ہیں وہ بھی درخواست جمع کروا دیں۔

مرتضی وہاب نے کہا کہ بلدیہ عظمی کراچی کے قبرستانوں میں قبر کے نرخ 14300 روپے مقرر کیے گئے ہیں، قبروں کی اضافی فیس وصول کرنے والے گورگن کے خلاف بھی سخت کارروائی کی جائے گی۔میئر کراچی نے کہا کہ شکایت کی صورت میں کے ایم سی کمپلینٹ نمبر 0211339 پر اپنی شکایت اندراج کریں۔