کراچی: اسپیشل انویسٹی گیشن یونٹ کی مختلف کارروائیاں، چار ملزمان گرفتار

ملزمان کو گلستان جوہر، سہراب گوٹھ، گلشن اقبال اور ناظم آباد سے گرفتار کرکے اسلحہ اور موبائل فون برآمد کیا گیا

پیر 7 جولائی 2025 18:00

کراچی (اُردو پوائنٹ اخبارتازہ ترین - این این آئی۔ 07 جولائی2025ء)اسپیشل انویسٹی گیشن یونٹ نے کراچی کے مختلف علاقوں میں کارروائیاں کرتے ہوئے اقدام قتل، بھتے اور ڈکیتی کے مقدمات میں مطلوب چار ملزمان کو گرفتار کرلیا۔ملزمان کو گلستان جوہر، سہراب گوٹھ، گلشن اقبال اور ناظم آباد سے گرفتار کرکے اسلحہ اور موبائل فون برآمد کیا گیا ہے۔

(جاری ہے)

ایس ایس پی ایس آئی یو شعیب میمن کے مطابق گرفتار ملزمان میں سے دو نے پھلوں کے بیوپاری سے ایک کروڑ بھتے کا مطالبہ کیا تھا اور بھتہ نہ دینے پر تاجر کو جان سے مارنے کی دھمکی بھی دی تھی۔

ایس آئی یو نے ٹیکنیکل بنیادوں پر کارروائی کرکے ملزمان کو گرفتار کیا جبکہ دیگر ملزمان اسٹریٹ کرائم، ڈکیتی اور لوٹ مارمیں ملوث ہیں۔ملزمان کار سوار فیملیز اور دفاتر سے نکلنے والے شہریوں کو لوٹ مار کا نشانہ بناتے تھے۔ملزمان پر اقدام قتل، بھتے، دھمکی لوٹ مار اور ڈکیتی کے متعدد مقدمات درج ہیں۔